Свет
Здравствен работник од Алјаска имал алергиска реакција на вакцината на „Фајзер“

Во текот на првите денови од употребата на вакцината на „Фајзер“ се забележани неочекувани тешкотии, вклучувајќи дози од вакцината што биле складирани на многу ниски температури, потенцијални предизвици за самата компанија во произвоството на вакцини, како и алергиска реакција кај еден здравствен работник.
Здравствениот работник од Алјаска имаше сериозна алергиска реакција откако беше вакциниран со вакцината на „Фајзер“, објави „Њујорк тајмс“ повикувајќи се на три извори кои се запознати со здравствената состојба на лицето.
Тој имал алергиска реакција, а неговата состојба се стабилизира по хоспитализацијата. Не е познато дали претходно имал слични реакции. Но тоа не е единственото што тргна наопаку.
Најмалку два контејнери со дози на вакцини доставени во Калифорнија требаше да бидат заменети затоа што се чуваа на температура под минус 80 Целзиусови степени, изјави американскиот воен генерал Густав Перна. Вакцината „Фајзер“- „Бајонтек“ треба да се чува на температура од околу минус 70 Целзиусови степени.
Се истражува дека чувањето на вакцините на прениски температури претставува ризик за нивната безбедност и ефикасност, додаде Перна.
„Фајзер“ објави и проблеми во производството на вакцини, изјави американскиот министер за здравство, Алекс Азар.
„Ќе им обезбедиме целосна поддршка преку кој било механизам за да можат да произведуваат вакцини за Американците“, истакна Азар.
Угур Сахин, извршен директор на „Бајонтек“, минатата недела рече дека првичната цел за производство на 100 милиони дози вакцини во 2020 година е преполовена претходно оваа година, делумно поради тешкотиите во снабдувањето со суровини. Тој додаде дека проблемот е решен во меѓувреме и дека производството на голема количина вакцини продолжува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.