Целосната размена на воени заробеници со Русија би можела да претставува почеток на завршување на војната, изјави украинскиот претседател, Володимир Зеленски, на самитот во Киев каде присуствуват бројни министри и претставници на ЕУ на тригодишнината од војната во Украина.

Имаше 60 размени на затвореници меѓу Украина и Русија од почетокот на војната, вклучително и една во декември кога беа разменети стотици затвореници.

„Тоа е фер и праведна опција“, рече Зеленски, истакнувајќи дека илјадници Украинци сè уште се во руските затвори – некои од нив од руската анексија на Крим во 2014 година.

„Илјадници – илјадници луѓе се приведени во Русија“, нагласи тој.

„Русија мора да ги ослободи Украинците. Украина е подготвена да ги размени сите, а тоа е фер договор“.

Иако Украина не објавува официјални податоци за своите воени заробеници во Русија, се проценува дека ги има повеќе од 8.000.

„Мирот не може едноставно да се прогласи преку ноќ. Путин нема да ни даде мир, ниту ќе ни го понуди во замена за нешто. Мораме да извојуваме мир со сила, мудрост и единство, преку соработка со вас [лидерите на самитот]“, рече Зеленски.

Тој заклучи дека траен мир може да се постигне само ако Украина добие цврсти „безбедносни гаранции“.

Минатата недела Русија рече дека нема да прифати присуство на војници на НАТО во Украина како дел од каков било мировен договор.

Украина и САД се во последна фаза на преговори за договорот за минералите, изјави украинскиот вицепремиер Олха Стефанишина.

Зеленски претходно овој месец го отфрли договорот со кој на САД ќе им се даде пристап до украинските минерали.

Сепак, Стефанишина сега потврди: „Украинскиот и американскиот тим се во последната фаза од преговорите за договорот за минерали. Преговорите беа многу конструктивни, речиси сите клучни детали се финализирани“.

„Ние сме посветени бргу да го завршиме ова. Се надеваме дека американските и украинските лидери ќе може да го потпишат и одобрат договорот во Вашингтон што е можно побргу за да ја покажеме нашата посветеност во децениите што доаѓаат“, додаде таа.

И поранешниот британски премиер Борис Џонсон изјави дека САД и Украина се „многу блиску“ до потпишување договорот за минералите.

Тој рече: „Има многу интересен развој. Верувам дека сме многу блиску до потпишување на овој договор за минерали меѓу САД и Украина“.

Договорот за минерали меѓу САД и Украина беше предложен од американската администрација под претседателот Доналд Трамп. Според предлогот, Украина ќе им отстапи 50 отсто од своите минерали на Соединетите држави како форма на компензација за американската воена и финансиска помош обезбедена за време на војната со Русија.

Зеленски првично одби да потпише таков договор, наведувајќи дека тоа ќе значи продажба на украинските ресурси и дека договорот во сегашната форма не обезбедува соодветни безбедносни гаранции за Украина. Зеленски, исто така, истакна дека американската помош е во форма на грантови, а не заеми и дека Украина не треба да ги враќа овие средства преку нејзините природни ресурси.

И покрај првичното одбивање, преговорите меѓу американските и украинските официјални лица продолжија за постигнување заемно прифатлив договор кој ќе вклучува безбедносни гаранции за Украина. Зеленски истакна дека е подготвен да размисли за договор кој ќе обезбеди долгорочна безбедност и економски развој на Украина, но не по цена на суверенитетот над националните ресурси.

Општина Ѓорче Петров започна со амбициозна реконструкција на 13 краци на улицата Алексо Демниевски, во рамки на градежната офанзива која целосно ќе ја трансформира оваа населба. Ова е прв пат да се изведе ваква обемна интервенција на оваа локација, со вкупна должина од 3.000 метри и површина од 11.350 m².

Инвестицијата, вредна 15.000.000 денари, ќе донесе современи услови за жителите на урбаната заедница Мирче Ацев, особено во познатото Диво Маало, кое децении беше симбол на запоставеност. Новиот асфалт, подобрената инфраструктура и модерните решенија ќе ги зголемат удобноста и безбедноста на локалните жители.

„Оваа инвестиција е дел од нашата визија за модерен и функционален Ѓорче Петров. Со реконструкцијата на Алексо Демниевски, сакаме да ги подобриме условите за живеење на нашите граѓани и да им покажеме дека нивните населби се наш приоритет. Ова е само еден чекор од многуте што ги планираме – нашата цел е целата општина да стане поповолна, поубава и попријатна за живеење.“ истакна Градоначалникот Стојкоски

Реконструкцијата на улицата Алексо Демниевски е дел од поширокиот план на Општина Ѓорче Петров за подобрување на инфраструктурата и поддршка на локалните заедници. Очекувањата се дека проектот ќе биде завршен во наредните месеци, а жителите веќе изразија задоволство од почетокот на работите.