Свет
Зеленски го критикува Трамп: Ако сакаме да дадеме нешто, мора и да добиеме нешто

Претседателот Володимир Зеленски изјави дека предлогот на САД за клучниот договор за минерали е неправеден бидејќи не вклучува безбедносни гаранции и дека не сака Украина да стане центар за суровини, ја цитираат турските медиуми.
Минатата недела Киев му испрати на Вашингтон ревидиран нацрт-договор, кој би можел да ги отвори своите огромни ресурси на клучни минерали за американски инвестиции за да помогне да се добие американската поддршка, поради загриженоста во Киев за претходната американска верзија.
„Реков, овој документ не е подготвен, нема да го потпишеме. Продолжете да работите на овој документ“, изјави Зеленски за некои турски медиуми по разговорите во Анкара во вторникот.
„Јас сум секогаш отворен за вашата инвестиција во нашата земја, во нашите природни ресурси… Но, ако сакаме да дадеме нешто, мора и да добиеме нешто“, рече тој, цитиран од државната новинска агенција „Анадолија“.
„Не сакаме да станеме центар за суровини за кој било континент“, рече тој.
Зеленски го претстави прегледот на договорот во интервју за „Ројтерс“ овој месец. Минералите за кои станува збор би вклучувале ретки метали, како и титаниум, ураниум и литиум, меѓу другите.
Американскиот претседател Доналд Трамп, кој не се обврза да продолжи со витална воена помош за Украина, рече дека сака 500 милијарди долари во ретки метали од Киев за да ја обезбеди поддршката на Вашингтон.
Посетата на Зеленски на Анкара се совпадна со средбата на американските и руските претставници во Ријад, без Украинци, за војната во Украина.
Зеленски рече дека верува оти Украина има поддршка во Вашингтон, но сака да види поголема поддршка од Трамп.
„Гледаме дека САД го отстранија Путин од неговата политичка изолација, но тоа е нивна сопствена одлука. Но, кога велите ‘ова се нашите планови за завршување на војната’, тоа ни ги поставува прашањата: Каде сме? Каде сме на преговарачка маса? Оваа војна се одвива внатре во Украина“, рече тој.
„На преговарачката маса треба да има луѓе што може да го запрат рускиот претседател Владимир Путин ако сака да се врати во војна. И тие мора да бидат способни да ни дадат вистински – не само ветувања – и конкретни безбедносни гаранции. Ние сме подготвени за таков дијалог“, рече тој, цитиран од турската државна новинска агенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија во текот на ноќта лансираше 85 беспилотни летала кон Украина

Русија во текот на ноќта лансираше 85 беспилотни летала и една балистичка ракета кон територијата на Украина, објавија утринава украинските воздухопловни сили.
Нападите во текот на ноќта беа насочени кон области на линијата на фронтот во регионите Суми, Доњецк, Чернигов и Дњепропетровск, објавија воздухопловните сили на каналот Телеграм.
Оттаму, исто така, наведуваат дека нивните единици за противвоздушна одбрана уништиле 61 беспилотно летало.
Главниот штаб на украинските вооружени сили објави во својот дневен утрински извештај дека во текот на изминатите 24 часа на линијата на фронтот имало 139 судири со непријателот.
Од друга страна, руските системи за противвоздушна одбрана во текот на ноќта пресретнале и уништиле 29 украински дронови над различни руски региони, вклучувајќи 10 беспилотни летала над Ростовскиот регион, објавија утринава руските медиуми, повикувајќи се на руското Министерство за одбрана.
Американскиот претседател Доналд Трамп и неговиот руски колега Владимир Путин, по нивната вчерашна средба во Алјаска, не споменаа ништо за потенцијален прекин на огнот во војната во Украина.
Свет
Зеленски во понеделник ќе отпатува за Вашингтон на разговори со Трамп

Украинскиот претседател Володимир Зеленски во понеделник ќе отпатува за Вашингтон на разговори со американскиот претседател Доналд Трамп, објави Зеленски на Телеграм по денешниот телефонски разговор со Трамп, јави ДПА.
Зеленски рече дека претходно телчефонски разговарал со Трамп повеќе од час и половина, откако американскиот претседател синоќа се сретна со рускиот лидер Владимир Путин во Алјаска.
„Во понеделник ќе разговараме за сите детали во врска со завршувањето на убиствата и војната“, рече Зеленски, додавајќи дека е „благодарен за поканата“
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.