Германската биотехнолошка компанија „Бионтек“ и нејзиниот американски партнер „Фајзер“ незаконски ја користеле заштитената интелектуална сопственост на „Модерна“ во развојот на вакцината против Ковидот и мора да ѝ платат компензација, одлучи германскиот суд.

„Бионтек“ и „Фајзер“ ги прекршиле патентните права на „Модерна“ при развивањето на вакцината против Ковид-19, пресуди судот во Диселдорф и мора да ѝ платат соодветна компензација.

Пресудата вклучува и барање „Бионтек“ и „Фајзер“ да дадат информации за профитот од користењето на патентот.

„’Модерна’ со седиште во САД поднесе барања за информации и отштета поради прекршување на нејзините патентни права во развојот на вакцината против Ковид-19. Регионалниот суд во Диселдорф пресуди во корист на ‘Модерна’“, рече портпаролката.

Обвинетите компании тврдеа дека „Модерна“ ја одобрила употребата на патентот во соопштение за печатот во октомври 2020 година. Дозволата, тврдат тие, важела до 5 мај 2023 година кога Светската здравствена организација (СЗО) објавила дека коронавирусот повеќе не е закана за јавното здравје.

Судот, сепак, утврди дека „Модерна“ ја повлекла лиценцата во соопштението за печатот објавено на 7 март 2022 година. Затоа, според судот, германски „Бионтек“ и американски „Фајзер“ ќе треба да плаќаат за користење на патентот 14 месеци по одземањето на лиценцата, а не само од мај 2023 година.

Германскиот суд допрва треба да ја одреди висината на обесштетувањето на „Модерна“. „Фајзер“ и „Бионтек“ имаат право на жалба.

Унгарскиот премиер Виктор Орбан на социјалните мрежи објави дека неговите состаноци во Франција потврдиле дека иако постојат разни мислења за тоа како да се постигне мир, постои согласност за потребата од зајакнување на одбранбените способности на европските земји.

„Овие напори треба да ги зајакнат земјите членки, а не бирократите во Брисел“, нагласи Орбан.

Тој ја истакна исклучително блиската соработка со Франција и изрази очекување француските компании да бидат значајни инвеститори во Унгарија.

Во објавата тој сподели и фотографија со Марин Ле Пен со порака: „По средбата со поранешниот и сегашниот претседател на Франција, ми беше задоволство да се сретнам со идниот претседател. Ви благодариме за инспиративната дискусија, @MLP_officiel!“

My meetings in France confirmed that while we may disagree on the modalities of peace, we do agree that we must strengthen the defence capabilities of European nations, & these efforts should empower member states rather than Brussels bureaucrats. pic.twitter.com/FDdZTuOnb8

— Orbán Viktor (@PM_ViktorOrban) March 6, 2025

Германскиот канцелар во заминување, Олаф Шолц, рече дека денешната средба е клучна за да се обезбеди континуирана поддршка за Украина, но ја истакна и важноста од одржување добри односи со САД.

Шолц исто така ги коментира плановите на идниот канцелар Фридрих Мерц за зголемување на трошоците за одбраната, вклучувајќи ги и уставните промени, додавајќи дека политичкиот консензус за ова прашање се чини дека расте во Германија.

Тој истакна дека ЕУ треба да ги приспособи своите правила на сличен начин за да одговори на новите безбедносни предизвици, а истовремено да внимава на долгорочните решенија.

Запрашан за предлогот на францускиот претседател Емануел Макрон за нуклеарно одвраќање, Шолц рече дека Европа не смее да се откаже од вклученоста на САД. Неговата долгогодишна загриженост за ова прашање се однесува на стравот дека проширувањето на француската нуклеарна програма може дополнително да го поттикне американското повлекување од европската безбедносна архитектура.

Шолц повторно ја отфрли идејата за заедничките европски одбранбени обврзници.

Запрашан за можните мировни преговори, тој нагласи: „Многу е важно да се осигуриме дека Украина не мора да прифати наметнат мир, туку да добиеме фер и праведен мир, кој го гарантира суверенитетот и независноста на Украина“.