Свет
Зеленски си замина од Давос без посакуваната средба

Украинските лидери не криеја дека сакаат да се сретнат со кинеските претставници во Швајцарија оваа недела, но претседателот Володимир Зеленски си замина дома без посакуваната средба, што претставува нов удар за Киев, пишува „Политико“.
Кинеската делегација во Швајцарија имаше доволно можности да се сретне со своите украински колеги, било во Берн или на Светскиот економски форум (СЕФ) во Давос. Секоја средба би ја задоволила долгогодишната надеж на Киев за директни разговори со високи претставници од Пекинг.
Шефот на кабинетот на украинскиот претседател, Андриј Јермак, пред почетокот на мултинационалниот мировен самит на швајцарските Алпи изјави дека е неопходно Кина да се вклучи во мировните преговори и навести дека Зеленски ќе има можност да разговара со кинескиот премиер Ли Кијанг.
На крајот, Украина не направи никаков напредок во целта Кина да се посвети на преговорите, а Зеленски и Ли не успеаја да разговараат. Тоа е најнов знак дека Кина нема намера да се залага за прекин на сеопфатната војна на рускиот претседател Владимир Путин против Украина, тврди „Политико“.
Одлуката на Кина да не се сретне со Украинците се чини дека е намерна и не е резултат на напорен распоред. Висок американски функционер потврди дека Пекинг го одбил барањето на Киев за средба. Друг американски функционер рече дека Кина одбила какви било разговори откако Русија ја повикала да ги прекине планираните дипломатски состаноци со Украина.
Украинскиот функционер рече дека средбата со кинеските претставници, всушност, воопшто не била во распоредот на делегацијата и дека Киев никогаш не го побарал тоа. Кинеските власти не коментираат зошто средбата не се одржала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.