Свет
Зеленски ја откри целта на нападот на Курск

Украинскиот претседател Володимир Зеленски во вечерното обраќање го повика Западот да ја забрза испораката на оружје и муниција и ја откри целта на нападот на Курск.
Тоа е првпат јасно да ја каже целта на упадот на руска територија што започна на 6 август.
„Само што го добив извештајот на врховниот командант на вооружените сили, Олександр Сирски, за ситуацијата на истокот на Украина, операцијата во регионот Курск, фондот за размена на затвореници и снабдувањето на нашите бригади со муниција и Нашите момци работат одлично на сите фронтови“, рече Зеленски.
„Сепак, има потреба од побрза испорака на залихите до нашите партнери. Тоа го бараме. Во војна нема одмор. Потребни се одлуки, како и навремена логистика за најавените пакети помош. Ова конкретно го упатувам до САД, Велика Британија и Франција“, додаде тој.
Зеленски истакна дека во текот на денот се постигнати добри резултати, особено уништувањето на руската опрема кај Торечко. Сепак, тој предупреди дека само денеска руските сили извршиле десетици напади во околината на Торечко и Покровско.
„За само еден ден имаше десетици напади, но нашите единици, нашите бригади прават се за да ги задржат своите позиции. Им благодарам на сите што го овозможуваат тоа“, рече тој.
Тој објасни дека главната задача на одбранбените акции на Украина воопшто е да се уништи што е можно поголем руски потенцијал и да се изведат максимални операции за контранапад.
„Ова вклучува создавање на тампон зона на територијата на агресорот преку нашите операции во регионот Курск“, рече тој.
„Исто така, со оваа операција сакаме да ослабиме се што може да и помогне на Русија во продолжувањето и ширењето на агресијата и да се приближиме до крајот на таа агресија за Украина да постигне мир што е можно поскоро“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Катар го прифати извинувањето на Нетанјаху

Катар го поздрави извинувањето и ветувањето на израелскиот премиер Бенјамин Нетанјаху дека Израел нема повторно да изврши напад врз Доха, соопшти Белата куќа.
Нетанјаху претходно денеска од Белата куќа телефонски разговарал со катарскиот премиер Мохамед бин Абдурахман Ал Тани, извинувајќи се за нападот насочен кон раководството на Хамас, со кој била нарушена катарската сувереност.
Во заедничкото соопштение беше потврдено дека е воспоставен „трилатерален механизам“ за подобрување на односите. Катарскиот премиер ги поздравил гаранциите од Израел, нагласувајќи ја подготвеноста на Доха за понатамошна соработка во интерес на регионалната безбедност и стабилност.
Свет
„Ројтерс“: Нетанјаху му се извинил на Катар за нападот врз Доха

Израелскиот премиер, Бенјамин Нетанјаху, се извинил на Катар поради израелскиот воздушен напад врз Доха од почетокот на месецов, во кој цел биле функционери на Хамас, јави „Ројтерс“.
Според извор близок до израелскиот премиер, тој телефонирал со катарскиот премиер Мохамед бин Абдурахман Ал Тани од Белата куќа, каде што во исто време американскиот претседател Доналд Трамп остварил контакт со Катар.
Извинувањето доаѓа во момент кога Нетанјаху престојува во Вашингтон на средба со Трамп. Главна тема е новиот мировен план од 21 точка, со кој се предвидува прекин на огнот, ослободување на израелските заложници и воспоставување ново управување со Газа без учество на Хамас.
Катар претходно го осуди израелскиот напад како „подмолен“ и „груб прекршок на меѓународното право“. Во исто време, Нетанјаху е под силен притисок да го прифати американскиот план кој ја исклучува анексијата на Западниот Брег и бара формирање нова палестинска влада.
Свет
Осомничениот во случајот со Медлин Мек Кен: „Вратете ми го животот!“

Кристијан Брукнер, осомничен во истрагата за исчезнувањето на Медлин Мек Кен, за првпат јавно проговори по излегувањето од затвор. Во интервју за „Скај њуз“ рече дека е жртва на „лов на вештерки“ и побара да му се врати нормалниот живот.
„Не се чувствувам слободен. Носам нараквица и под 24-часовен надзор сум. Сакам ова да престане и некој да преземе одговорност,“ изјави Брукнер.
Тој се обиде да влезе во канцеларијата на германскиот обвинител Ханс Кристијан Волтерс, кој претходно јавно тврдеше дека има докази дека Брукнер ја киднапирал и убил Медлин, иако призна дека тие не се доволни за подигнување обвинение.
Брукнер (49) неодамна беше ослободен по издржана казна за друго кривично дело. Германските медиуми јавуваат дека по неговото ослободување бил сместен во привремено живеалиште, но по јавниот притисок и протестите на граѓаните, бил преместен од градот Нојминстер.
На директно прашање дали има врска со исчезнувањето на британското девојче, Брукнер одговори дека по совет на адвокатите нема да зборува на таа тема.
Тригодишното девојче исчезна од апартмански комплекс во Праја да Луз во Португалија на 3 мај 2007 година, што предизвика истрага низ цела Европа и стана еден од најпознатите случаи на исчезнати лица. Нејзините родители вечерале со пријателите во блискиот ресторан додека таа и нејзините помали браќа и сестри близнаци спиеле во станот. Нејзината мајка Кејт открила дека Медлин ја нема околу 22 часот по локално време.
Случајот останува нерешен, но германските обвинители велат дека имаат докази кои сугерираат дека Брикнер можеби бил во областа кога исчезнала Медлин. Волтерс рече дека иако тој и другите обвинители не веруваат дека имаат доволно докази за формално да го обвинат Брикнер во случајот Меккен, нивните напори ќе продолжат.