На западот на Финска, за прв пат во историјата ветрот достигна ураганска сила, поради што 17.000 куќи останаа без струја.

Во Раума, на југозападот на земјата, просечната брзина на ветерот во петокот навечер достигна 33,5 метри во секунда, во Пори – до 30,3, пренесува финскиот јавен сервис Yle.

Ветерот со просечна брзина од најмалку метри во секунда се смета за ураган во Финска. Ова е првпат вистински ураган да биде забележан во Финска, изјави метеорологот Мати Хутонен.

„Вакви показатели никогаш не биле забележани во историјата на набљудување, во таа смисла тие се навистина ретки“, рече дежурниот метеоролог во Метеоролошкиот институт Туомо Бергман. Според него, во петокот вечерта околу 40.000 домови биле отсечени на запад и југ на Финска, а утринава 17.000 домаќинства останале без струја.

Шефот на пожарникарската служба рече дека спасувачите честопати биле повикани за паднатите дрвја што оштетиле имот.

Според прогнозите на метеоролозите утре во Финска ќе пристигне нов силен циклон.

Претседателот на Русија, Владимир Путин, му изрази сочувство на претседателот на Србија, Александар Вучиќ, по повод трагедијата што се случи на железничката станица во Нови Сад.

Во падот на челичната настрешница загинаа 14 лица.

„Почитуван господине претседателе, ве молиме примете го моето длабоко сочувство за трагичните настани во Нови Сад“, се вели во пораката на Путин, додавајќи дека „граѓаните на Русија ја споделуваат тагата на братскиот српски народ“.

Меѓу загинатите на Железничката станица е и Васко Саздовски од Македонија – 45-годишен научник којшто работел во Институтот „Биосенс“ во Нови Сад, каде што се истражуваат и развиваат информатички технологии за земјоделството.

Во Србија е прогласен ден на жалост.

Врховниот водач на Иран, ајатолахот Али Хамнеи вети дека ќе одговори на секој напад од Израел и САД врз Иран или една од неговите вооружени групи во регионот.

„Непријателите, и САД и ционистичкиот режим, мора да знаат дека сигурно ќе добијат крвав одговор за нивните постапки против Иран, иранската нација и фронтот на отпорот против Израел“, рече Хамнеи, кој е на власт од 1989 година.

Ајатолахот одржа говор пред студентите во пресрет на годишнината од заземањето на американската амбасада на 4 ноември 1979 година и киднапирањето на 52 американски дипломати кои беа ослободени по 444 дена. На 26 октомври, израелската војска за првпат нападна воени цели во Иран како одговор на директниот напад на Иран врз Израел на 1 октомври.

Хамнеи рече дека ќе направи се за да го подготви иранскиот народ за заканата воено и политички.

„Ние правиме се за да ја подготвиме иранската нација, било да е тоа во воена, вооружена или политичка смисла за каква било закана“, рече тој.

Од нејзиното пристапување, Исламската Република Иран не ја призна државата Израел и го направи палестинското прашање столб на својата надворешна политика.