Свет
Земјотрес со јачина од 5,8 степени ја погоди Индонезија

Земјотрес со јачина од 5,8 степени според Рихтеровата скала ја погоди индонезиската провинција Западна Јава, објави државната геофизичка агенција (БМКГ), а жителите во областите во близина на епицентарот панично ги напуштаа своите домови.
Земјотресот со епицентар на 22 километри од градот Сукабуми немал потенцијал да предизвика цунами, објави агенцијата, додека снимките од информативниот канал TVOne покажале дека жителите ги напуштиле своите домови во тој град.
Потресите се почувствувани и во главниот град Џакарта и околните области, изјавија очевидци на Ројтерс.
#Earthquake (#gempa) possibly felt 41 sec ago in #Indonesia. Felt it? Tell us via:
📱https://t.co/LBaVNedgF9
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/D9VxEL8qQz— EMSC (@LastQuake) December 8, 2022
Абдул Мухари, официјален претставник на Индонезиската агенција за ублажување на катастрофи (BNPB), изјави за Ројтерс дека засега нема извештаи за штета, но агенцијата сè уште ја проценува ситуацијата.
Минатиот месец, земјотрес со јачина од 5,6 степени според Рихтеровата скала го погоди градот Сианџур, исто така во Западна Јава, при што загинаа повеќе од 300 луѓе и предизвикаа штета на илјадници домови.
Индонезија има историја на разорни земјотреси, а со јачина од 9,1 степени според Рихтер во 2004 година во близина на островот Суматра во северна Индонезија предизвика цунами што погоди 14 земји, при што загинаа 226.000 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.
Свет
Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја.
Тој, по телефонскиот разговор со премиерот на Холандија, Дик Шуф, на платформата Икс објави дека „во моментот тимови на Украина, САД и европските партнери работат на решение“.
Според Зеленски постои „вистинска можност да се заврши оваа војна“, додавајќи дека Украина е „подготвена за конструктивни чекори што можат да доведат до вистинскиот мир“.
– Русија од своја страна не покажува намера за мир и продолжува да ги гранатира нашите градови. Сите сигнали што доаѓаат од Москва овие денови ги толкуваме на ист начин. Ни треба притисок за промена на нивниот став, како и состанок на највисоко ниво за да се разговара за сите прашања, посочи Зеленски.
Свет
Северна Кореја тестираше нови ракети

Северна Кореја вчера истрела два нови противвоздушни проектили за уништување на различни воздушни цели, меѓу кои дронови и крстосувачки ракети. Тестирањето на новото оружје го надгледуваше севернокорејскиот лидер Ким Џонг-ун.
Како што јави Корејската централна новинска агенција (КЦНА) новото оружје има „супериорна борбена способност“ и користи „единствена технологија“.
Тестирањето на ново оружје се одвива во време на зголемени тензии со Јужна Кореја. Официјален Сеул вчера соопшти дека на 19 август јужнокорејски војници отвориле предупредувачки оган кон припадници на севернокорејската армија, кои накратко навлегле во Демилитаризираната зона.
Исто така во регионот се одржува заедничка воена вежба помеѓу Јужна Кореја и САД, а за утре е предвидена средба на американскиот претседател Доналд Трамп со новоизбраниот јужнокорејски претседател Ли Џае-мунг.