Свет
Обелоденети можните мотиви за убиствата на медицинската сестра во Германија

Причините на медицинската сестра Луси Летби за убиствата и обидите за убиства на доенчиња во британската болница каде што работела во 2015 и 2016 година можеби никогаш нема да бидат целосно објаснети. Но, обвинителството на поротниците им даде бројни можни мотиви за време на 10-месечното судење во Манчестер, кое штотуку заврши со пресуда за вина, пишува „Гардијан“
Летби уживала да „игра Бог“
Обвинителот Ник Џонсон сугерирал дека Летби уживала во „играњето на Бог“ со тоа што прво ги повредувала децата, а потоа ги предупредувала своите колеги за нивната влошена состојба.
Таа дала забелешки, кои обвинителите ги опишаа како „предвидувања на пропаст“, бидејќи состојбата на некои од нејзините жртви се влошила. По последното убиство во јуни 2016 година, таа им рекла на лекарите: „Тој нема да излезе жив одовде, нели? Момчето на мајката која родила тројка и имало само неколку дена починало набргу. Летби, која во тоа време била во средината на 20-тите години, а дала слични коментари и во две претходни убиства.
Обвинителот Џонсон им кажа на поротниците: „Таа знаела што ќе се случи. Имала контрола над работите“.
Била воодушевена од смртта на новороденчињата
Родителите и медицинските сестри во неколку наврати опишале како Летби се однесувала чудно кога состојбата на некое новороденче почнувала да се влошува. Кога детето познато како „дете 1“ починало по повеќекратните напади од Летби, родителите на девојчето ѝ рекле на полицијата дека се сеќаваат на медицинската сестра како „се насмевнувала и зборувала за тоа како била присутна на првото капење и колку и се допаднало тоа“.
Џонсон сугерира дека „Летби била трогната од тагата и очајот на кои сведочела во таа соба“. За време на сведочењето таа одговори: „Апсолутно не, не е така“.
Летби, исто така, ги побарала семејствата на нејзините жртви на Фејсбук. Таа често ги пребарувала повеќето од нив во растојание од неколку минути барајќи изрази на тага, велат обвинителите. Ги барала на годишнините од смртта на нивните деца, па дури и ги пребарувала на Божиќ. Медицинската сестра во своја одбрана рече дека ги разгледувала профилите на секакви луѓе, не само на родителите на децата во одделението.
Летби го сакала вниманието на анонимен лекар
Обвинителството тврдеше дека Летби имала тајна врска со оженет лекар, кој работел во болницата и не може да биде именуван од правни причини, иако медицинската сестра постојано го негираше тоа.
СМС пораките што му беа прикажани на судот открија дека парот редовно си испраќал пораки, разменувале емотикони со љубов со срце и се сретнале неколку пати надвор од работа – вклучително и на еднодневен пат во Лондон – дури и откако Летби била отстранета од работното место во јули 2016 година.
Природата на нивната врска се вели дека е значајна: тој бил еден од лекарите кои биле викани кога кај новороденчињата одеднаш одело на полошо. Таа им наштетувала, беше споменато на судењето, за да го придобие неговото лично внимание. Летби го негираше тоа.
Се грижела за најболните бебиња
Како медицинска сестра од групата 5, Летби била квалификувана да се грижи за најболните деца во болничкото одделение. Ова значело дека таа често сакала да биде во единицата за интензивна нега.
Сведочејќи на судењето, таа се согласи дека работата ја сметала за помалку стимулативна кога била доделена на доенчиња на кои не им била потребна толкава медицинска помош.
Обвинителите откриле рачно напишани лепливи белешки пронајдени во чантата на Летби по нејзиното апсење во јули 2018 година. „Јас сум злобна, јас го направив тоа“. Таа го напишала и ова: „Никогаш нема да имам деца или да се омажам. Никогаш нема да знам како е да се има семејство“.
Летби беше прогласена за виновна за убиство на седум бебиња. Таа ги убила бебињата со вбризгување воздух, насилно хранење со млеко и труење со инсулин помеѓу јуни 2015 и јуни 2016 година, кога работела во болница во Честер, јави „Би-Би-Си“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ најави намалување на цените на јајцата, зеленчукот, овошјето, млечните производи…

Претседателот на Србија, Александар Вучиќ, објави денеска дека од идната недела ќе се ограничат маржите во трговските синџири, што ќе доведе до пониски цени за околу 3.000 производи. Според него сега ти маржи сега се и до 45,2 проценти во најголемите синџири, и дека во наредниот период до крајот на годината ќе следат сеопфатни мерки за подобрување на животниот стандард на луѓето во Србија.
Toj најави и намалување на каматите на станбените, готовинските и потрошувачките кредити што ќе важи за следните 365 денови.
Вучиќ на прес-конференција изјави дека во наредниот период ќе бидат донесени закони за трговија и заштита на потрошувачите, додека до крајот на годината се очекува донесување на законот за забрана на нефер трговски практики.
Дел од мерките тој ги претстави денеска, а дел ќе бидат дополнително претставени во средината на септември. Маржите ќе бидат ограничени за 23 групи производи, односно околу 3.000 производи, што се однесуваат на 24 компании. Oпфатени се 24 трговци на мало.
„Во наредниот период ќе донесеме закон за трговија, ќе донесеме закон за заштита на потрошувачите, каде што ќе мора да има ценовници, нема да има измами со таканаречени промоции. А, до крајот на годината ќе донесеме и закон за спречување на нефер трговски практики, каде што им помагаме на домашните бизнисмени, на нашите добавувачи“, рече Вучиќ на денешната прес-конференција во Белград.
Вучиќ најави дека регулативата за ограничување на маржите „ќе започне следната недела“.
Тој истакна дека речиси и да нема да има измама, бидејќи се е обезбедено преку регулативата, преку директна контрола и пазарна инспекција, преку сите финансиски и даночни инспекции.
„Казните ќе бидат исклучително строги, но веќе разговаравме со трговците и ќе се погрижиме добро да го разберат тоа. Сакаме тие да остварат поголем профит и веруваме дека тоа е во нивен интерес, бидејќи луѓето ќе купуваат повеќе и ќе трошат повеќе пари, бидејќи знаат дека не плаќаат за нешто што е прескапо“, рече Вучиќ.
Тој додаде дека верува оти тоа е многу важно и дека е сигурен дека луѓето ќе бидат исклучително задоволни бидејќи секој од производите ќе биде значително поевтин. Како што истакна, за секој производ максималната маржа ќе биде 20 проценти, а максималниот „оф-рабат“ ќе биде 10 проценти.
„Се обидуваме да постигнеме ограничување на маржите што ќе придонесе за големо намалување на цените, вклучени се околу 3.000 производи. За да се види зошто стандардот е повисок во ЕУ – од 13 до 15 проценти оди во просечната потрошувачка кошничка, толку оди за храна. Во нашиот случај, оди помеѓу 40,6 и 47,8 проценти, во минималната потрошувачка кошничка, толку оди за храна, а потоа малку пари остануваат за луѓето за други потреби“, рече Вучиќ.
Српскиот претседател најави намалување на цените на сапун, паста за заби, детергенти, пелени за бебиња и возрасни, ориз, безалкохолни пијалоци, солени кондиторски производи, зеленчук и овошје, замрзнати производи, оцет, тестенини, млечни производи, јајца…
„Србија има стабилен девизен курс веќе 13 години, тоа никогаш не било случај. Србија има ниска стапка на јавен долг, некаде околу 45 проценти, сите тие бројки се добри. Таму каде што ние, признавам, направивме грешка, поради разни проблеми, не обрнав доволно внимание на одредени работи што излегоа од контрола“, рече Вучиќ.
Според него, неговата грешка била кога имало две претходни акции за намалување на цените, кои не биле ограничувања на маржите за сите производи.
Во врска со каматните стапки на кредитите, претседателот на Србија рече дека целта е да се поттикне дополнителна потрошувачка. Поповолни кредити се обезбедуваат за граѓани со приход до 100.000 динари.
„Стапката на сиромаштија во Србија е најниска, но сè уште има луѓе кои се сиромашни, секоја година тој број се намалува. Но, ова се однесува на средната класа. Просечната плата во мај била 107.500 динари, медијалната плата е 83.525 динари. Околу 50 проценти од граѓаните примаат плата што е помала од 83.525 динари, имаме голем број граѓани кои имаат големи плати од над 100.000 динари. значајна стратификација, сакаме да им помогнеме на средната класа“, рече тој.
Тој тврди дека тие мерки досега „не се видени во историјата на Србија“.
„Граѓаните и пензионерите со пензија до 100.000 динари можат да земат готовински кредити до 9.000 евра. Со ваков вид пензија и плата, до вчера каматната стапка на динарските кредити беше до 11,35. Сега им кажуваме – не смее да надмине 7,5 проценти. Поштенска штедилница ќе ја намали на 5,99“, нагласи Вучиќ.
Беа објавени и измени на Законот за извршување и обезбедување (ЗИО), според кои конфискацијата на недвижен имот ќе биде невозможна, ако станува збор за единствен семеен недвижен имот, ако живеалиштето на таа адреса е регистрирано најмалку пет години пред поднесувањето на предлогот за извршување, како и ако станува збор за стан со површина до 60 квадратни метри.
Претставувајќи нов пакет економски мерки за подобрување на животниот стандард на граѓаните, тој додаде дека ќе има одредени услови, како што е постоењето на судска одлука дека станува збор за едносемејна куќа, и дека новата регулатива ќе содржи „уште некои бенефиции за должниците на извршување“.
Свет
Палестински камерман убиен во појасот Газа

Палестинската новинска агенција (ВАФА) објави дека израелските војници убиле палестински камерман во северниот дел на Појасот Газа. Камерманот Калед ал Мадхун бил смртно застрелан во близина на преминот Зиким.
Израелската армија сè уште не го коментираше инцидентот.
Во средината на август израелската армија во градот Газа уби четворица вработени во Ал Џезира.
Израелската војска ја потврди смртта на дописникот Анас ал-Шариф, наведувајќи дека 28-годишникот се претставувал како новинар на Ал Џезира додека водел терористичка ќелија за палестинската милитантна организација Хамас.
Според податоци на Комитетот за заштита на новинарите (ЦПЈ) и Меѓународната федерација на новинари (ИФЈ) од почетокот на војната во Појасот Газа, октомври 2023 до 11 август во израелските напади загинале Израел 274 новинари и медиумски работници, од кои 269 биле Палестинци.
Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.