Свет
З како Зеленски: Карикатура на британскиот „Тајмс“

Британскиот „Тајмс“ направи интересна карикатура на која се гледа како украинскиот претседател Володимир Зеленски храбро стои пред тенкот предводен од рускиот лидер Владимир Путин, а потоа го свиткува својот топ за да ја формира буквата „З“.
Долго време се шпекулира што значи буквата З на руските борбени возила. Подоцна беше откриено дека „З“ во Русија брзо се гледа како на постојан провоен симбол на инвазијата на претседателот Путин на Украина.
Политичарите го посочија тоа, го видовме на автомобили, комбиња и реклами – како на автобуски постојки. Србите дури го користеа и на проруските демонстрации во Белград. Фотографиите на големо се споделуваат на социјалните мрежи.
Британски „Тајмс“ напиша дека Зеленски во говорот во британскиот парламент завчера (вторник) ги повикал Черчил (Винстон Черчил) и Шекспир (Вилијам Шекспир) во говорот во Долниот дом, кога ги повикал пратениците да направат повеќе да ѝ помогне на Украина да се одбрани од руската инвазија
Тој ја спореди борбата со борбата на Велика Британија во Втората светска војна, велејќи дека неговата земја не сака „да го изгуби она што го имаме, исто како што вие не сакавте да ја изгубите вашата земја кога нацистите почнаа да се борат“.
Зборувајќи преку видеоврска од Киев, Зеленски вети дека ќе се бори против руските сили во шумите, на полињата, на бреговите и на улиците.
„Ќе се бориме до крај. На морето. Во воздухот. Ќе продолжиме да се бориме за нашата земја по секоја цена“ – рече Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон: Иднината на Украина не може да се одлучи без Украинците

Само неколку дена пред планираната средба меѓу рускиот претседател Владимир Путин и американскиот претседател Доналд Трамп, францускиот претседател Емануел Макрон нагласи дека Украина мора да биде вклучена во сите разговори за нејзината иднина.
„Иднината на Украина не може да се одлучи без Украинците, кои се борат за својата слобода и безбедност повеќе од три години“, напиша Макрон на X.
„Бидејќи и нивната безбедност е во прашање, Европејците исто така мора да бидат дел од решението, рече тој.
Макрон претходно разговараше по телефон со украинскиот претседател Володимир Зеленски, германскиот канцелар Фридрих Мерц и британскиот премиер Кир Стармер, напиша тој.
По разговорот со Макрон, Зеленски напиша на X: „Украина, Франција и сите наши партнери се подготвени да работат што е можно попродуктивно за вистински мир“.
Трамп треба да се сретне со Путин во Алјаска во петок. Според „Волстрит џурнал“, Путин бара целосна руска контрола врз источните региони на Украина, Донецк и Луганск, што Зеленски категорично го отфрла.
Свет
Ердоган за Газа: Одлуката на Израел е неприфатлива, поддршката за Палестина продолжува

Одлуката на Израел да преземе воена контрола врз Газа е апсолутно неприфатлива, му рекол турскиот претседател Реџеп Таип Ердоган на палестинскиот претседател Махмуд Абас во телефонски разговор, пренесува Анадолу.
Според турската Дирекција за комуникации, тие разговарале за израелските напади врз Газа и за најновите случувања во регионот.
За време на разговорот, Ердоган повторил дека Турција ќе продолжи да стои зад Палестина.
Нарекувајќи ги изјавите на Франција, Велика Британија и Канада за можното признавање на палестинска држава достојни за внимание, Ердоган го истакна растечкиот бран критики кон Израел на Западот и додаде дека Турција ќе продолжи со своите напори за мир во регионот.
Свет
Идентификувани останките од три жртви од нападите на 11 септември

Останките од три жртви од нападите на 11 септември се идентификувани благодарение на напредокот во ДНК технологијата.
Службениците во четврток објавија дека ги идентификувале останките на 26-годишниот трговец со валути Рајан Д. Фицџералд, 72-годишната пензионирана директорка на непрофитна организација Барбара А. Китинг и уште една жена, чие име се чува во тајност на барање на нејзиното семејство.
Останките се идентификувани преку подобрено ДНК тестирање на останките пронајдени во урнатините по нападите на 11 септември 2001 година, соопшти канцеларијата на медицинскиот испитувач во Њујорк. Останките на Китинг и жената, чиј идентитет не е објавен, се пронајдени во 2001 година, а останките на Фицџералд се пронајдени следната година.
Китинг се враќала дома во Калифорнија со летот на „Американ ерлајнс“ кога членови на Ал Каеда го киднапирааа и намерно го удрија во северната кула на Светскиот трговски центар. Парче од нејзината банкарска картичка било пронајдено во остатоците.
Во нападите од 11 септември, два авиона се урнаа во Кулите Близначки во Њујорк, трет се урна во Пентагон, а четвртиот се урна во Пенсилванија. Вкупно 2.977 луѓе загинаа, од кои 2.753 во Њујорк. Околу 1.100 жртви остануваат неидентификувани, соопшти канцеларијата на медицинскиот испитувач.
Во 24-те години од терористичките напади, нови останки се идентификувани благодарение на напредокот во технологијата.