Свет
(Видео) Јан Дејвид Лонг, поранешен маринец, е напаѓачот што го изврши нападот во Калифорнија

Локалните власти го идентификуваа напаѓачот што уби 12 луѓе во ноќниот клуб во Калифорнија како 28-годишниот ветеран Јан Дејвид Лонг.
Според локалните власти, Лонг оваа пролет имал серија неконтролирано однесување, но властите мислеа дека тоа е посттрауматско стресно нарушување, кое било последица на воената служба.
Со димна бомба и пиштол, поранешниот маринец, со качулка на главата, облечен во црно, отвори оган во барот и притоа уби најмалку 12 луѓе и рани десетици други, а според локалниот шериф, Џеф Динпостојат, има сомнежи дека веднаш по нападот, Лонг се самоубил во истиот бар.
Дин рече дека неговиот оддел бил во контакт со Лонг неколкупати порано и дека во април годинава тој во својот дом бил виден како се однедува нерационално и диво.
Шерифот исто така вели дека тогаш бил повикан професионален тим за да ја процени неговата ментална состојба, кој заклучил дека Лонг не треба да биде притворен.
Локалните власти велат дека мотивот на нападот сè уште се истражува. Неименуван полициски претставник претходно изјави дека напаѓачот фрлил димна бомба и користел пиштол во калибар 45 додека пукал во барот Таузанд Оукс, Калифорнија, 65 километри североисточно од Лос Анџелес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев: Лоши вести за Мерц и Макрон -Трамп е жив

Заменик-претседателот на Советот за безбедност на Русија, Дмитриј Медведев, изјави дека вестите за активностите на руската армија во украинскиот конфликт, како и фактот дека американскиот претседател Доналд Трамп е жив, се „лоша комбинација за европските лидери“ како што се германскиот канцелар Фридрих Мерц и францускиот претседател Емануел Макрон.
Во објава на своите профили, Медведев истакна дека западните политичари „вознемирено“ ги следат настаните на фронтот, но се свесни и дека Трамп, кој се залага за мирно решение на кризата, останува клучен фактор на светската сцена. Како илустрација, тој прикачи снимка од екранот на која Мерc и Макрон се наречени „идентични близнаци“ и „ретки изроди“.
„Едниот копнее за одмазда, а другиот, „петелот“, се плаши од предаторот на портата и дури се обидува да го уценува Трамп со рускиот претседател Владимир Путин“, изјави Медведев.
Францускиот претседател претходно изјави дека, доколку средбата меѓу Путин и украинскиот лидер Володимир Зеленски не се одржи наскоро, Москва ризикува нов пакет санкции. „Доколку ветената билатерална средба не успее, тоа ќе значи дека Путин повторно го надмудри Трамп“, рече Макрон, додавајќи дека Европа не смее да биде „наивна“ во однос на Русија.
Во исто време, францускиот политичар Флоријан Филип, лидер на партијата „Патриот“, го обвини Макрон дека ја демонизира Русија во интерес на Брисел. Според него, францускиот претседател се обидува да создаде атмосфера погодна за испраќање француски војници во Украина, што дополнително би ја продлабочило кризата.
Медведев, кој отворено и остро коментираше за политиката на Западот во последните месеци, со овој настап повторно го насочи вниманието кон длабоките поделби во рамките на трансатлантскиот блок. Додека Париз и Берлин бараат нови санкции и сè посилна посветеност на Европа на воената стратегија, Москва продолжува да нагласува дека клучот за решение лежи во преговорите – во кои, како што верува Кремљ, Трамп може да игра значајна улога, според анализите на светските медиуми.
Фото: принтскрин
Свет
Кинескиот претседател испрати порака до САД без да ги именува

Кина повика на поголемо единство меѓу членовите на Шангајската организација за соработка, во која членуваат Русија, Индија, Иран и други земји кои не се членки на НАТО.
„Треба да најдеме заедничка основа, оставајќи ги настрана разликите“, рече претседателот Кси Џинпинг на самитот во кинескиот пристанишен град Тјанџин.
Кси, исто така, го осуди менталитетот на Студената војна и конфронтацијата на блоковите.
„Треба да се спротивставиме на менталитетот на Студената војна и конфронтацијата на блоковите, како и на актите на заплашување“, рече тој во малку прикриена алузија на Соединетите Американски Држави, кои не ги именуваше ниту еднаш во своето обраќање.
Кинескиот претседател нагласи дека Шангајската организација за соработка треба да ја преземе одговорноста за обезбедување мир, стабилност, развој и просперитет низ целиот регион.
Тој ги истакна достигнувањата на организацијата, вклучувајќи ја соработката во борбата против тероризмот и индустриските инвестиции, велејќи дека членовите на Шангајската организација заедно генерираат годишен економски производ од речиси 30 билиони долари.
фото: принтскрин
Регион
(Фото) Билборди со честитки за роденденот на Лукашенко се појавија во Белград и Нови Сад

Во Белград и Нови Сад се појавија огромни плакати со честитки за роденденот на авторитарниот белоруски претседател Александар Лукашенко. Зад оваа акција стои Конзервативното движење „Наши“, објавува Нова.рс.
На постерите поставени низ српскиот главен град и Нови Сад пишуваше: „Среќен роденден, претседателе Лукашенко! Србија те сака!“. Иван Ивановиќ, лидерот на ова десничарско движење, е наведен како потписник.
Билборды Лукашенко в Сербии – Поздравление с днём рождения
В Белграде и Нови-Саде появилась поздравительная открытка к дню рождения Президента Александра Лукашенко#belarus #lukaschenko #lukasenko pic.twitter.com/tAcHB52eWM
— Иван Ивановић (@ivan_nasi) August 30, 2025
Ова не е прв пат движењето „Наши“ да организира слични кампањи. Во февруари минатата година, тие го преплавија Белград со постери со пораката „Србија е со Лукашенко“.
фото: принтскрин