Свет
ИДФ ги заврши подготовките за прием на заложниците, треба да бидат ослободени во 16 часот

ИДФ соопшти дека ги завршиле подготовките за прием на првата група од 13 заложници што треба да бидат ослободени во 16 часот денеска од Појасот Газа во операцијата наречена „Небеска врата“.
Откога ќе бидат ослободени од Газа преку Египет, заложниците ќе бидат донесени од страна на ИДФ во воздухопловната база Хацерим во јужен Израел на првичен прием, каде што ќе бидат подложени на краток физички и ментален преглед.
Војската подготви психолози и експерти за ментално здравје да ги пречека заложниците, од кои многумина се очекува да бидат деца. Експертите ќе им објаснат што се случило во нивната заедница на 7 октомври.
ИДФ донесе телефони за заложниците за да може веднаш да им се јават на своите роднини по пристигнувањето во Хацерим.
Ослободените заложници ќе останат до два часа во Хацерим пред да бидат однесени во болница со хеликоптер или со минибус. Хеликоптерите ќе летаат во поудобен и потивок режим.
Оние на кои им е потребна итна медицинска помош, ќе бидат однесени директно од граница во болница, без да одат во Хацерим.
Семејствата на заложниците чекаат во болниците, а во околината се резервирани хотелски соби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.