Свет
Израелски министер: Американскиот народ е наше семејство и секое семејство има несогласувања

Израел и САД остануваат обединети и покрај нивните разлики, изјави израелскиот министер за одбрана, Јоав Галант во Вашингтон каде што разговараше со неговиот американски колега Лојд Остин и другите членови на американската администрација.
Осврнувајќи се на критиките за американското оружје од страна на премиерот Бенјамин Нетанјаху, Галант рече: „Во секое семејство, и ние го сметаме американскиот народ наше семејство, може да се појават несогласувања. Сепак, како и сите семејства, ние зборуваме за нашите разлики внатре во куќата и останавме обединети“.
Нетанјаху постојано употребува остри зборови за да ги критикува САД за наводно задржување на испораката на оружје, обвинувајќи дека има „драматичен пад на испораката на оружје за Израел од САД“.
Бени Ганц, до неодамна министер за воен кабинет на Израел, ја понуди својата поддршка на Галант во изјавата објавена во средата, велејќи дека тие решиле многу прашања со израелските пријатели зад затворени врати во последните месеци, вклучувајќи го и прашањето за муницијата.
„Непотребниот конфликт што премиерот го создава од политички причини може да му обезбеди неколку поени кај неговите поддржувачи, но да им наштети на стратешките односи со САД, што е составен дел од нашата способност да ја добиеме војната“, рече Ганц.
САД задржаа одредени испораки за Израел во обид да го принудат на умерена офанзива околу Рафах во јужниот дел на Појасот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин
Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин
Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, примена е и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин