Свет
Израелците му покажаа на Блинкен убиено бебе; командант на армијата: Сега е време за војна

Врховниот воен командант на Израел рече: „Сега е време за војна“ додека неговата земја натрупува тенкови во Појасот Газа пред планираната инвазија за уништување на палестинската милитантна група Хамас, која владее со енклавата.
Во обид да добие поддршка за својот одговор израелската влада им покажа на американскиот државен секретар, Ентони Блинкен, и на министрите за одбрана на НАТО фотографии од деца и цивили за кои рекоа дека биле убиени од Хамас за време на викендот во Израел.
Блинкен рече дека му покажале бебе изрешетано со куршуми, војници со отсечени глави и млади луѓе изгорени во своите автомобили. „Тоа е само изопаченост на најлош можен начин“, рече тој. „Навистина е над сè што можеме да сфатиме“.
Израел вети одмазда за нападот, најсмртоносниот од палестинските милитанти во израелската историја. Како и другите во светот, Блинкен го повика Израел да покаже воздржаност, но исто така ја повтори поддршката на Америка велејќи: „Ние секогаш ќе бидеме со вас“.
Тој денеска во Јордан требаше да се сретне со јорданскиот крал Абдула и со Махмуд Абас, шеф на палестинската управа на Западниот Брег, окупиран од Израел, како дел од турнејата на Блискиот Исток, чија цел е да се запре ширењето на војната.
Највисокиот американски дипломат Блинкен планира да ги посети клучните сојузници на САД, Катар, Саудиска Арабија, Египет и Обединетите Арапски Емирати – некои со влијание врз Хамас, исламистичката група поддржана од Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 2.065 луѓе загинаа, 3.900 се повредени, повеќе од 270 исчезнати по земјотресот во Мјанмар

Најмалку 2.065 луѓе се убиени, повеќе од 3.900 се повредени, а повеќе од 270 се водат како исчезнати, објави Ројтерс, повикувајќи се на локалната телевизија МРТВ.
Спасувачките тимови се обидуваат да пронајдат уште преживеани под урнатините на зградите во Мјанмар и Тајланд, а во заедничка петчасовна спасувачка операција спроведена од кинески, руски и локални тимови, една жена е спасена по 60 часа под урнатините на хотелот Great Wall во градот Мандалеј, јавува Ројтерс.
Обединетите нации соопштија дека брзаат да достават хуманитарна помош за околу 23.000 преживеани погодени од земјотресот во центарот на Мјанмар.
Кинеската новинска агенција Ксинхуа претходно денеска објави дека Пекинг ја испратил пратката за прва помош во Мјанмар во вредност од 100 милиони јуани (13,78 милиони долари), вклучувајќи шатори, ќебиња и комплети за прва помош.
Регион
Продолжен притворот за 10 осомничени за уривање на настрешницата во Србија

Високиот суд во Нови Сад го продолжи притворот на осомничените во истрагата за уривањето на настрешница на Железничката станица во Нови Сад на 1 ноември за уште 30 дена, соопштија од Вишиот суд во Нови Сад.
Продолжен е и куќниот притвор на сите осомничени.
На крајот на минатата година беше поднесен обвинителен акт против 13 лица.
Свет
Ле Пен осудена на четири години затвор и забрана за кандидирање на претседателските избори

Лидерката на француската крајнодесничарска партија Национален собир (РН), Марин Ле Пен, е осудена на четири години затвор, од кои две ќе бидат условни и парична казна од 100.000 евра, објави Фигаро.
Пресудата ѝ забранува на Ле Пен да учествува на изборите, што автоматски значи забрана за нејзино кандидирање за француски претседател во 2027 година, дури и ако поднесе жалба.
Ле Пен, како и осум други европратеници на РН, беа прогласени за виновни за проневера на јавни средства.
Марин Ле Пен ја напушти судницата веднаш штом судијата прочита дека и е забрането да учествува на избори, без да чека целосно да биде донесена пресудата, пренесоа француските медиуми.