Свет
Израел бомбардира 9 цели во Појасот Газа за возврат на палестинските експлозивни змејови и балони

Израелските воздухопловни сили бомбардираа неколку цели во Појасот Газа утринава, соопшти израелската војска наводно уништувајќи неколку воени цели на Хамас како одмазда за експлозивните змејови и балони што Палестинците ги пуштаа кон Израел пред неколку дена, пренесува „Раша тудеј“.
„Авионите на ИДФ гаѓале девет цели во два воени објекта и погон за производство муниција, кој му припаѓа на Хамас во северниот дел на Појасот Газа“, наведе војската.
Нападите се слични на оние од вчера во кои, според израелската војска, биле гаѓани две возила кои наводно ги користеле Палестинците за пуштање змејови со „молотови коктели“, кои запалиле израелски ниви покрај границата. Палестинските демонстранти почнаа да користат змејови на протестите што почнаа на 30 март.
Повеќе од 130 Палестинци се убиени од израелските сили на граничните протести од крајот на март досега. Најголем број жртви имаше на 14 мај, денот кога САД ја преселија својата амбасада од Тел Авив во Ерусалим. Поради меѓународната осуда на употребата на сила, Израел тврдеше дека голем број од убиените биле милитанти и дека израелската војска одбила напади на границата меѓу Израел и Газа, а Вашингтон го поддржа правото на Израел на самоодбрана.
Палестинците и нивните поддржувачи тврдат, пак, дека повеќето демонстранти биле невооружени цивили и дека Израел против нив употребил прекумерна сила. ОН ги осуди израелските напади врз Палестинците.
Тие оттогаш протестираат речиси секој ден барајќи укинување на израелската блокада на крајбрежната енклава и враќање во земјата која палестинските бегалци беа принудени да ја напуштат по основањето на Израел во 1948 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.