Свет
Израел тврди дека Иран се обидел да го хакира нивниот противракетен предупредувачки систем
Високи израелски официјални лица во интервју за „Блумберг“ тврдат дека Иран се обидел да го накира израелскиот противракетен предупредувачки систем во 2017 година, пренесува „Спутник“.
Според бригадниот генерал Ноам Шаар, актуелен шеф на Одделот за сајбер-одбрана во Дирекцијата за сајбер-одбрана на израелската армија, израелската армија открила инфилтрација и ја следела сѐ додека не станало очигледно дека нападот бил насочен кон автоматизираниот противракетен систем за алармирање.
„Се справивме со заканата и создадовме нова бариера и нов систем за следење за да бидеме сигурни дека ќе можеме да ги запреме ако се обидат повторно”, изјави тој за „Блумберг“.
Според извештајот, американската компанија за сајбер-безбедност FireEye Inc., која неколку месеци ги следела напаѓачите, го посочи Техеран во јануари, а исто така рече дека Иран можеби стои и зад други напади на Блискиот Исток, Северна Африка, Европа и Северна Америка.
Иранското Министерство за информатички и комуникациски технологии и Министерството за телекомуникации сè уште не ги коментираа обвинувањата. Сепак, и Техеран го обвини Тел Авив за сајбер-напади. Последните настани беа во ноември, кога Иран го обвини Израел за напад врз неговата телекомуникациска инфраструктура.
Пред неколку години, Иран беше нападнат од озлогласениот вирус Stuxnet, кој беше насочен кон неговата нуклеарна програма. Вирусот, иако не и официјално, беше потврдено дека е американско–израелско дело.
Иако израелските медиуми го нарекуваат Иран светски лидер во способностите за сајбер-војување, експертите од САД се значително порезервирани во своите проценки.
Реа Сиерс, поранешен висок функционер во Агенцијата за национална безбедност на САД, вели дека Русија е поуспешна од Иран во офанзивните сајбер-операции и дека и Кина е вешти играч.
„Иранците се желни да станат познати во сајбер-доменот и секако успеаја во тоа. Но иако е сигурно точно дека Израел е клучна сајбер-цел на Иран, тоа е различно од проценката на силата на Иран низ целиот сајбер-домен“, изјави Сиерс.
Коментарите на Сиерс следеа по изјавите на израелскиот премиер Бенјамин Нетанјаху дека Израел секојдневно се брани од иранските сајбер-напади.
Обвинувањата на Шар доаѓаат поради зголемените тензии меѓу двете нации, кои веќе доведоа до воздушни напади и гранатирање од страна на Израел на наводните про-ирански сили стационирани во Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

