Свет
Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското Министерство за одбрана.
Израелските воздушни напади беа насочени кон неколку области околу Алепо околу 1:45 часот по локално време, се вели во соопштението на Министерството.
Во израелските напади врз сирискиот град Алепо во петокот рано наутро загинаа 38 лица, меѓу кои пет членови на либанската милитантна група Хезболах, изјавија два безбедносни извори за Ројтерс.
Нападите се совпаднаа со нападите со беспилотни летала изведени од градот Идлиб и западниот рурален дел на Алепо, за кои Министерството рече дека биле извршени од „терористички организации“.
„Нападите резултираа со смрт и голем број ранети цивили и војници и предизвикаа материјална штета на јавен и приватен имот“, се наведува во соопштението за медиумите.
Министерството не го прецизираше точниот број на загинати или не појасни дали жртвите се резултат на напади на израелска или милитантна група. Вчера две лица беа повредени во израелски воздушен напад во регионот околу сириската престолнина Дамаск, се наведува.
Израелската армија одби да ги коментира наводите за напади. Според Ројтерс, од нападите на Хамас врз израелските цивили и војници во октомври минатата година, Израел ги ескалирал нападите врз, како што тврди, упоришта на милициите поддржани од Иран во Сирија. Ја погоди и воздушната одбрана на сириската армија и некои сириски сили.
Израел со години извршува слични напади во Сирија, каде што влијанието на Техеран се зголеми откако почна да го поддржува претседателот Башар ал Асад во граѓанската војна што започна во 2011 година. Борците поврзани со Иран, вклучително и Хезболах, сега имаат контрола над огромни делови од источна, јужна и северозападна Сирија и неколку предградија околу главниот град.
Израел и Хезболах разменуваат оган преку израелско-либанската граница откако изби војната во Газа, што е најголема ескалација од едномесечниот конфликт во 2006 година, потсетува агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп призна: Се разделив од Епштајн кога направи нешто несоодветно

Американскиот претседател Доналд Трамп даде објаснување зошто ја прекина врската со педофилот Џефри Епштајн.
„Не сум разговарал со Џефри Епштајн со години. Не сум разговарал со него затоа што направи нешто несоодветно. Тој вработи мои луѓе, а јас му реков: „Никогаш повеќе не го прави тоа“.
„Драго ми е што го направив тоа, ако сакате да ја знаете вистината“, додаде американскиот претседател, зборувајќи во еден од неговите комерцијални голф клубови.
Епштајн, осуден сексуален предатор, почина во 2019 година додека чекаше судење. Трамп се соочи со притисок да го објави целото досие за Епштајн, но досега не успеа да го стори тоа, предизвикувајќи критики од демократите и некои од неговите поддржувачи.
Повторно беше прашан за можноста за помилување на долгогодишната соработничка на Епштајн, Гислен Максвел, која отслужува 20-годишна казна затвор за трговија со луѓе.
„Имам право да ја помилувам. Но, никој не ми го предложи тоа. Никој не ме праша за тоа. Беше во медиумите. Но, не е соодветно сега да зборувам за тоа“, рече Трамп.
Максвел разговараше со заменик-главниот обвинител Тод Бланш двапати минатата недела. Според извештаите, таа добила ограничен имунитет и испитувана е од најмлку 100 луѓе, но Министерството за правда не објави детали за тие разговори.
Свет
(Видео) Земјотрес од 8,8 степени за време на операција, докторите останаа смирени

Силниот земјотрес со магнитуда од 8,8 степени го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи тревоги и евакуации низ Тихиот Океан.
Снимки од моментот на земјотресот во Камчатка се шират на социјалните мрежи.
Се појави и видео, за кое се тврди дека е снимено во болницата. На него се гледа како лекарите остануваат смирени за време на силниот земјотрес и не ја прекинуваат операцијата.
Doctors in Kamchatka kept calm during the powerful quake — and never stopped the surgery.
The patient is doing well, according to the Health Ministry#China #Tsunami #Earthquake #Russia #Hawaii #Japan #Sismo #Temblor #Tsunamiwarning #揺れ #地震 pic.twitter.com/fWiVKfxNbt
— Chaudhary Parvez (@ChaudharyParvez) July 30, 2025
Свет
И Кина издаде предупредување за цунами по земјотресот од 8,8 степени во Русија

Силен земјотрес со магнитуда од 8,8 степени го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи предупредувања и евакуации низ Тихиот Океан.
Неколку лица беа повредени во тој оддалечен руски регион, а на населението на поголемиот дел од источниот брег на Јапонија, кое силно страдаше во катастрофалниот земјотрес и цунамито од 2011 година, му беше наредено да се евакуира. „Денешниот земјотрес беше сериозен и најсилен во последните десет години“, објави гувернерот на Камчатка на Телеграм.
Регионалниот министер за вонредни ситуации Сергеј Лебедев објави дека по земјотресот е регистрирано цунами од 3 до 4 метри. „Сите мора да се оддалечат од брегот“, рече Лебедев во видео на социјалните медиуми.
Американскиот сеизмолошки институт објави дека земјотресот бил на длабочина од 19,3 км, околу 125 км од Петропавловск, град со 165.000 жители на брегот на заливот Авача.
Кинескиот центар за предупредување од цунами објави дека се очекува бранови со висина помеѓу 30 сантиметри и еден метар да го погодат источниот брег на земјата.
Во официјалното соопштение на центарот се вели: „Врз основа на најновите предупредувања и резултатите од анализата, Центарот за советување за цунами при Министерството за национални ресурси утврди дека земјотресот предизвикал цунами, за кое се очекува да предизвика штета во одредени крајбрежни области на Кина“.
Предупредувања за цунами без издадени и за Јапонија и Хаваите.