Свет
Илон Маск го молел раперот да ја одложи кандидатурата за претседател

Илон Маск откри дека не го поддржал веднаш својот пријател, раперот Канје Вест, во неговата кандидатура за претседател.
Канје го одржа првиот митинг за претседателската кампања во Јужна Каролина откако објави дека планира да се кандидира за претседател на САД на изборите во ноември, кога неговиот добар пријател Илон го повика да ги преиспита своите политички амбиции.
„Дадов сè од себе да го убедам дека 2024 ќе биде подобра од 2020 година“, рече Илон во интервју за „Њујорк тајмс“.
„Му испратив порака во која пишуваше: ’Само проверувам, многу луѓе се загрижени, се прашуваат дали си добро“, рече Елон, по серијата ексцеси што Канје ги направи откако ја објави својата кандидатура, како твитот во кој вели дека сака да се разведе од сопругата Ким Кардашијан и изјавите дека размислувале за абортус кога Ким била бремена со нивното најстаро дете Норт.
„Тој звучеше добро во разговорот, но ништо друго не изгледа како што треба. Се чини дека има многу проблеми“, рече милијардерот.
Откако ги објави плановите за неговата кампања, Канје откри дека планира да му даде место на Маск во својата администрација како шеф на вселенската програма.
Бизнисменот милијардер е можеби најголемата поддршка на Канје, што го потврди со твит во кој тврди дека раперот има целосна поддршка во претседателската кампања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Мајка им давала на децата желе бомбони направени од канабис: уапсена 29-годишна жена во Грција

Полицијата во Ираклион, на грчкиот остров Крит, уапсила 29-годишна жена за која постои сомнение дека им дала на своите деца, на возраст од 14 и 10 години, препарати со канабис во форма на желе бомбони.
По консумирањето, децата се чувствувале лошо и биле префрлени во Универзитетската болница во Ираклион, каде што биле хоспитализирани на детското одделение, објавува грчкиот весник „Катимерини“.
Директорот на болницата, Јоргос Халкиадакис, изјавил дека нивната здравствена состојба е добра.
Жената, која работи во хотел, наводно изјавила дека пронашла желе бомбони во хотелскиот простор и, мислејќи дека се обични слатки, им ги дала на децата.
Предметот на истрагата го води Пододделот за сузбивање и истрага на кривични дела во Ираклион.
Се очекува резултатите од истрагата да фрлат повеќе светлина врз тоа дали мајката ја кажувала вистината, а доколку е така, да откријат како бонбоните стигнале до хотелот и дали имало некакви пропусти во безбедносните процедури.
Свет
ЕУ лансира нова платформа за вработување работници надвор од Унијата

Базата на таленти на Европската Унија (ЕУ), платформа за вработување што ги здружува работодавачите со седиште во ЕУ и граѓаните на земјите што не се членки, влезе во понатамошни преговори со европските законодавци, објави денес истражувачкиот центар во Брисел „Институт Егмонт“.
Платформата, која колоквијално се нарекува Тиндер за баратели на работа, алудирајќи на популарната апликација за запознавање и поврзување на луѓе, се преплетува со неколку други иницијативи на ЕУ, што ја зголемуваат конкурентноста на земјата преку пазарот на трудот, според написите на медиумите во регионот.
Базата на таленти беше претставена како дел од Пакетот за мобилност на вештини и таленти и треба да им помогне на работодавачите да ги пополнат празните работни места, како и да го решат недостатокот на работни места во секторот, и да им помогне на граѓаните од земјите што не се членки на ЕУ да најдат работа на стандардизиран и предвидлив начин во земјите-членки на Унијата.
Работодавачите во ЕУ, тврдат дека имаат тешкотии во наоѓањето кандидати, особено во малите и средните претпријатија, а околу 74 проценти од нив изјавиле дека во моментов се соочуваат со недостаток на квалификувани работници на барем една позиција во нивната компанија.
Земји како Белгија, Италија и Холандија имаат проблем со вработувањето долго време, а тој се дуплираше во последните пет години.
Свет
Макрон за царините на Трамп: Форма на уцена

Францускиот претседател Емануел Макрон денес изјави дека царините наметнати од моќните земји често се форма на „уцена“, а не инструменти за ребалансирање на трговијата.
„Мораме да ја вратиме слободата и еднаквоста во меѓународната трговија, многу повеќе од бариерите и царините, кои се дизајнирани од најсилните и кои често се користат како инструменти за уцена, а никогаш како инструменти за ребалансирање“, рече Макрон на Меѓународната конференција за финансирање на развојот во Севиља, пренесува Ројтерс.
Тој повика на поддршка и преглед на Светската трговска организација, со цел да се усогласи со целите на борбата против нееднаквоста и климатските промени.
„Враќањето на трговската војна и царините во овој момент од животот на планетата е аберација, отстапување, особено кога ги гледам царините наметнати на земјите кои штотуку го започнуваат својот економски подем“, рече Макрон.
Коментарите на Макрон доаѓаат во време кога се во тек последните преговори меѓу Европската Унија и Соединетите Американски Држави за трговски договор, пред рокот од 9 јули што го постави американскиот претседател Доналд Трамп, според медиумот.
Во април, Трамп најави воведување глобални царини во опсег од 10 до 50 проценти, и затоа за повеќето земји, тој воведе одложување на нивната примена за 90 дена, време кое беше оставено за постигнување трговски договори и нивно намалување.