Свет
Илјада туристи евакуирани од одморалиште на Јадранот поради пожарот
![](https://makfax.com.mk/wp-content/uploads/2020/05/pozar-2.jpg)
Поради голем шумски пожар, денеска е евакуирано летувалиште на Јадранското Море во јужна Италија, каде што биле сместени речиси илјада туристи.
Луѓето беа преместени на безбедно од комплексот „Баја Сан Феличе“ додека пожарот се приближил до блискиот град Виесте.
Голем пожар избувна денеска во мугрите во шумата до туристичкиот комплекс во областа Фоџа, соопшти РАИ. Пожарникарите и волонтерите на цивилната заштита веќе неколку часа се обидуваат да го изгаснат пожарот. Поради силниот ветер побарана е интервенција од противпожарната единица.
Поради пожарот, затворен е дел од покраинскиот крајбрежен пат, а надлежните наведуваат дека се загрижени за туристичкиот објект во околината.
„Тоа е критична ситуација“, нагласи градоначалникот на градот Виесте, Џузепе Нобилети, кој се сомнева дека некој злонамерно го подметнал пожарот.
„Тоа е петти обид за една недела и успеаја утрово“, рече тој.
Точно на денешен ден, пред 17 години, пожар ја опустоши територијата кај овој мал град. При масовната евакуација од камповите и хотелите загинаа три лица, а 300 беа повредени. Како што забележува РАИ, по чудна временска коинциденција, минатата година, на 25 јули, беа уништени 250 хектари шума во Баја Сан Феличе, во истата област што гори денес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.