Свет
Индиски политичар го обвини Пакистан дека со отровен гас го загадува воздухот во Делхи

Рекордното загадување на воздухот на Њу Делхи може да биде резултат на таен хемиски напад од Пакистан, тврди индиски политичар кој рече дека неговата цврста теорија треба сериозно да се разгледа, пренесува РТ.
„Постои можност отровниот гас да се ослободи од секоја соседна земја што се плаши од нас“, рече лидерот на „Мерут БЈП“, Винет Агарвал Шарда.
Наведувајќи ги Пакистан и Кина како главни осомничени, Шарда рече дека Индија мора сериозно да размисли дали Исламабад испуштал отровни материи во воздухот во Делхи. Тој, исто така, го обвини Пакистан дека е исплашен од премиерот Нарендра Моди и кажа дека Индија никогаш не изгубила војна со својот сосед вооружен со нуклеарно оружје.
Тој исто така ги критикуваше владините претставници кои за опасните услови во животната средина ги обвинија емисиите на штетни гасови од фабриките и од земјоделството.
„Земјоделецот е ‘рбетот на нашата земја. Земјоделците и индустриите не треба да бидат обвинети“, рече лидерот на БЈП.
Индиските власти се обидоа да најдат решение за опасното ниво на загадување на воздухот во Делхи. Претходно неделава министерот за здравство, Харш Вардар, посочи дека јадењето моркови богати со витамини може да помогне во заштитата на Индијците од заболувањата поврзани со загадувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Свет
Кина го поддржува 30-дневното примирје предложено од Украина, Европа и од САД

Кина го поддржува 30-дневното примирје предложено од Украина, Европа и од САД, изјави портпаролот на кинеското Министерство за надворешни работи, Лин Џијан.
Кинеското Министерство за надворешни работи соопшти: „Ги поддржуваме сите напори што придонесуваат за мир и се надеваме дека релевантните страни ќе продолжат да го решаваат проблемот преку дијалог и преговори“ повикувајќи на обврзувачки мировен договор што ќе биде прифатлив за сите страни.
Европа
Полска пронајде докази за подметнатиот пожар во трговскиот центар во Варшава, го затвори рускиот конзулат; Русија бесна

Полска ќе го затвори рускиот конзулат во Краков откога пронајде докази дека Москва е одговорна за големиот пожар, кој речиси целосно уништи трговски центар во Варшава во мај 2024 година, изјави денес полскиот министер за надворешни работи.
❗🔥🇵🇱 – A huge fire hit the “Marywilska 44” shopping center in Warsaw, consuming almost all of its 1,400 commercial units, including kiosks.
The shopping mall, one of the largest in the city, belonged to Mirbud and is practically destroyed.
Authorities are fighting the fire,… pic.twitter.com/7Z34ZGyBzQ
— 🔥🗞The Informant (@theinformant_x) May 12, 2024
Веќе напнатите односи меѓу Варшава и Москва достигнаа нови височини со руската инвазија на Украина во 2022 година. Полска тврди дека нејзината улога како еден од најважните бедеми на Киев ја направила цел на руски саботажи, сајбер-напади и дезинформациски кампањи, што Москва го негира.
Вчера, премиерот Доналд Туск изјави дека Полска со сигурност знаела дека руските тајни служби стојат зад големиот пожар на улицата Меривилска во главниот град.
„Поради доказите дека руските специјални служби извршиле неприфатлив чин на саботажа против трговскиот центар на улицата Меривилска, решив да ја повлечам мојата согласност за работа на Конзулатот на Руската Федерација во Краков“, напиша министерот за надворешни работи, Радослав Сикорски на „Икс“.
Како одговор, руското Министерство за надворешни работи објави дека Полска намерно ги прекинува врските со Москва, објави државната новинска агенција РИА.
„Варшава продолжува намерно да ги уништува односите дејствувајќи против интересите на своите граѓани“, изјави портпаролката на руското Министерство за надворешни работи, Марија Захарова, цитирана од државната новинска агенција РИА. Таа додаде дека Русија набргу ќе даде соодветен одговор.