Свет
Индија не ја загрижуваат намерите на Трамп да ги повлече трговските бенефиции
Индиското Министерство за трговија не обрати големо внимание на неодамнешната најава од Вашингтон со која би се ставил крај на преференцијалниот трговски третман на Индија во рамките на програмата за ГСП, велејќи дека земјата нема да претрпи големи загуби во својот извоз во САД, пренесува „Спутник“.
„Намерата на САД да ги прекине ГСП-бенефициите за Индија нема да има големо влијание. Ефектот ќе биде минимален, најмногу до умерен, врз извозот на Индија во САД”, изјави Ануп Вадаван, секретар за трговија во индиското Министерство за трговија.
ГСП им овозможува на одредени производи од 120 земји во развој и територии да влезат во САД без царина.
Вадаван посочи дека неговото министерство работи со неколку релевантни оддели и успешно формулирало разумен пакет со кој се одговара на сите загрижености на САД. Тој додаде и дека има барања на кои не може да се одговори.
„Имаше дополнителни барања кои не можеа да се применат. Постои загриженост во врска со достапноста на медицинските помагала и нивната фер цена. Нашиот пристап беше многу избалансиран и не го загрозивме јавниот интерес во ова. Нашиот предлог не беше прифатлив за САД бидејќи Индија не може да направи компромис со достапност на медицински помагала”, истакна тој.
Зборувајќи за обемот на трговијата и за идниот тек на дејствување, Вадахан рече:
„Целокупната трговска размена е околу 5,6 милијарди долари, а придобивките од давачките се околу 190 милиони долари. Владата внатрешно ќе го разгледа ова прашање и ќе излезе со решение”.
Трамп претходно најави дека САД ќе го прекинат бесцаринскиот статус на Индија откако земјата не успеа да им обезбеди пристап на САД до своите пазари. Индија ги одржува високите тарифи за американските стоки, како што се цвеќето, природната гума, автомобилите, мотоциклите, алкохолните пијалаци и текстилот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

