Свет
Индија разнесе свој хеликоптер обидувајќи се да собори пакистански авиони, 7 загинати

Во сцена како од „Toп ган“, Индија соборила свој хеликоптер со проектили насочени кон пакистанските авиони што навлегле во нејзиниот воздушен простор, пренесува РТ.
Малку повеќе од еден месец како индиските власти тврдеа дека откриле 25 пакистански борбени авиони што се обидувале да го нарушат индискиот воздушен простор, одбранбена ракета лансирана за време на инцидентот сериозно ја промашила својата цел.
Индиски „Економик тајмс“ објави дека ракетата била истрелана кусо пред да падне хеликоптерот „ми-17 V5“м кој бил на рутинска мисија, што доведе до шпекулации дека Индија случајно го уништила сопственото летало. Шест војници на воздухопловните сили беа убиени во несреќата, а еден цивил загина кога беше погоден од остатоците од леталото.
„Последните моменти пред падот, вклучувајќи ги го фактот дали биле вклучени системите ИФФ, внимателно се разгледуваат за да се утврди што тргнало наопаку“, објави „Економик тајмс“.
Нивните извори велат дека е можно дефектот да резултирал со грешка во системите за таргетирање, кои погрешно го замениле хеликоптерот со беспилотно летало за напад. Очевидците исто така чуле гласна експлозија во воздухот во времето кога паднал хеликоптерот.
Големиот хеликоптер „ми-17 V5“, вреден 17 милиони долари, не појавува сериозни технички грешки. Опремата е исто така прилично нова – првиот хеликоптер беше ставен во употреба во 2012 година.
Освен можноста од технички дефект кај ракетата произведена во Израел, високи извори во воздухопловните сили испитуваат дали е одговорен некој од персоналот, кој во таков случај би одговарал пред воен суд поради фаталната грешка.
Наводниот прекуграничен воздушен напад се случил еден ден по индискиот воздушен напад врз осомничена терористичка инфраструктура на територијата на Пакистан.
Индија одамна го обвини Пакистан дека е засолниште на милитантите од терористичката група Џаиш-е-Мохамед (ЈеМ), осомничена за бомбашкиот напад во кој загинаа 44 члена на Централната полициска резерва претходно годинава.
Исламабад негира дека JeM има инфраструктура поставена во областите што Њу Делхи ги посочи како можни локации на терористички кампови за обука, па дури и понуди да им дозволи на индиските службеници сами да ги проверат сомнителните локации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.