Свет
Институт за проучување на војната: Пригожин и Кадиров ја објавија својата намера – чеченските борци ќе го заменат „Вагнер“ во битката за Бахмут

Сопственикот на руската приватна воена компанија „Вагнер“ Евгениј Пригожин и лидерот на Чеченија Рамазан Кадиров ја објавија својата намера чеченските борци да ја заменат милицијата на бизнисменот кој се смета за близок до претседателот Владимир Путин во битката за Бахмут, објави Институтот за прочување војна.
Пригожин вчера го објави своето писмо до министерот за одбрана на Русија, Сергеј Шојгу, во кое бара позициите „Вагнер“ во областа на источниот украински град да бидат преземени од чеченскиот батаљон „Ахмат“.
Според текстот, тоа ќе се случи точно на полноќ на 10 мај, кога, според рускиот бизнисмен, неговата милиција целосно ќе го исцрпи својот борбен потенцијал. Пригожин изразува уверување дека батаљонот Ахмат може да ги заземе преостанатите 2,5 квадратни километри од Бахмут кои остануваат под украинска контрола, забележа американската тинк-тенк во својот дневен брифинг за напредокот на војната.
Кадиров му одговори на Пригожин велејќи дека испратил писмо до рускиот претседател Владимир Путин во кое ја изразува својата подготвеност да го преземе Бахмут и тврди дека чеченските воени единици веќе работат со руското Министерство за одбрана на стратегија за преземање на позициите на Вагнер.
Во својот вчерашен брифинг, Институтот за анализа на војната посочи дека офанзивата во Бахмут се чини дека повеќе не е приоритет за Русија на сметка на одбранбените подготовки против очекуваната украинска контраофанзива. Тоа ги става групата Вагнер и нејзиниот сопственик во потенцијално тешка позиција, според тинк-тенкот со седиште во Вашингтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украинците дигнаа во воздух два клучни руски моста

Украинските сили спроведоа генијална операција во која уништија два клучни моста на руска територија, користејќи евтини дронови за активирање на експлозиви што претходно биле поставени таму од самите руски сили. Мостовите во близина на границата со регионот Харков биле користени за снабдување на руските трупи, а Русите ги минирале како мерка на претпазливост во случај на ненадеен украински пробив, пишува CNN.
Уништувањето на клучната инфраструктура на сопствената територија за да се забави непријателот е вообичаена воена тактика. Самата Украина го направи ова на почетокот на инвазијата во февруари 2022 година, кога го забави рускиот напредок кон Киев со уништување на мостови и одбрана на главниот град. Сепак, овој пат Украинците ја насочија руската мерка на претпазливост против себе.
💥 The Russians mined a bridge in the Belgorod region, piling TM-62M anti-tank mines under the structure.
Ukrainian drone operators decided it was worth helping the Russians carry out their plan. The bridge exploded with festive fireworks. pic.twitter.com/cKGWGdAICM
— MAKS 25 🇺🇦👀 (@Maks_NAFO_FELLA) August 24, 2025
Членовите на 58-та Одделна моторизирана стрелачка бригада, кои ја спроведоа операцијата, за CNN изјавија дека забележале необична активност околу еден од мостовите.
„Стана јасно дека нешто се случува таму. Не можевме да летаме со обичен извидувачки дрон под мостот бидејќи сигналот едноставно ќе исчезнеше, па затоа летавме со дрон опремен со оптички влакна“, рече портпаролот на бригадата.
Снимките од дрон открија куп противтенковски мини и друга муниција скриена под мостот.
„Ги видовме мините и удривме“, додадоа тие. Видеото нагло се прекинува во моментот на ударот, додека друга камера од далечина покажува силна експлозија.
Украинците, исто така, проверија уште еден мост во близина. „Откривме дека и тој е миниран и удривме. Видовме можност и ја искористивме“, рече портпаролот на бригадата.
Портпаролот на бригадата потврди за CNN дека дроновите што се користеле во нападот чинеле помеѓу 600 и 725 долари, што ја прави операцијата исклучително исплатлива. Рушењето на мост вообичаено бара скапа водечка муниција испукана од софистицирани системи како што се ракетни лансери или авиони.
Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.