Свет
Иранската револуционерна гарда: Овој напад е одмазда за смртта на лидерите на Хамас и Хезболах

Иранската револуционерна гарда соопшти дека нападот врз Израел бил одмазда за смртта на лидерите на Хамас и Хезболах.
Лидерот на Хамас, Исмаил Ханије, беше убиен во јули во Техеран, додека лидерот на Хезболах, Хасан Насрала беше убиен минатата недела во Бејрут. Иранската гарда додаде дека целите на денешниот напад биле важни бази и дека деталите ќе ги соопштат подоцна.
Израелското воено радио тврди дека речиси 200 проектили биле истрелани од Иран кон Израел. Засега не е јасно колкумина постигнале одредени цели.
Нападот од Иран продолжува, се вели во најновото соопштение за печатот на израелската армија. Се повторува претходната порака до жителите „да останат во заштитеното подрачје до дополнително известување“.
„Експлозиите што ги слушате се од пресретнување или паѓање проектили“, се вели во соопштението.
Израелската армија известува дека моментално „идентификува и пресретнува ракети“.
Иранската државна новинска агенција ИРНА потврди дека војската на Техеран почнала да лансира балистички ракети кон Израел.
Очевидци изјавија за Ројтерс дека виделе десетици проектили како летаат над централен Јордан кон Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Британија: Путин изгубил 16 генерали на бојното поле од почетокот на војната

Рускиот претседател Владимир Путин изгубил 16 генерали на бојното поле од почетокот на војната против Украина, според британското Министерство за одбрана, пишува HuffPost.
Британското Министерство за одбрана (МО) вели, како што пренесува медиумот, дека оваа загуба сериозно го нарушила синџирот на команда и контрола во некои делови од руската војска.
Во извештај на социјалната мрежа X, објавен за време на викендот, МО истакнува дека двајца високи генерали биле убиени во 2025 година, а вкупно пет во последните 12 месеци.
„Загубата на толку многу високи офицери веројатно го нарушила синџирот на команда и контрола во делови од руските вооружени сили. Ова веројатно придонело за тактичките и оперативните тешкотии на Русија за време на конфликтот“, вели МО.
Најновата жртва е генерал-мајорот Михаил Гудков, кој почина по украинскиот напад врз руска командна позиција на 2 јули во регионот Курск во западна Русија.
Според Министерството за одбрана, Гудков веројатно ги предводел обидите на поморските пешадиски единици да воспостават тампон зона во украинскиот Сумски регион. Напредокот на Русија во регионот е забавен од украинските контранапади и значителните руски загуби.
Министерството за одбрана претходно објави дека бројот на руски воени жртви надминал еден милион од почетокот на инвазијата во февруари 2022 година.
Свет
Медведев за Фон дер Лајен: Се чини дека злобната старица – гинеколог им здосади на сите

Претседателката на Европската комисија, Урсула фон дер Лајен, најверојатно ќе остане на функцијата, иако непријатен впечаток остави приказната за набавката на вакцината „Фајзер“ за време на пандемијата, според заменик-претседателот на Советот за безбедност на Русија, Дмитриј Медведев.
„Се чини дека злобната старица – гинеколог им здосади на сите. Покрај тоа, беше откриено дека си ги извалкала рацете и учествувала во манипулации со набавката на вакцините на „Фајзер“ за време на пандемијата“, изјави Медведев.
„Не е познато што, и во какви количини добила, секако остави непријатен впечаток. Ова започна непријатен процес за неа. Уште оваа недела, за судбината на Урсула ќе одлучува бесмислениот и немилосрден Европски парламент. Ситуацијата е нејасна. Многу е веројатно дека оваа токсична жена сепак ќе ја задржи својата позиција“, напиша тој на својот Телеграм канал.
Во понеделникот, Европскиот парламент на својата седница во Стразбур ќе разгледа гласање за недоверба на претседателката на Европската комисија поради сериозни неправилности во набавката на вакцини за време на пандемијата на коронавирусот, пренесуваат медиумите.
Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.