Свет
Иранските државни медиуми објавија видео од рака како гали нуклеарна бомба

Иранските државни медиуми објавија видео на социјалните мрежи на кое се гледа рака како гали нуклеарна бомба со натпис „можеби“, додека Израел продолжува со нападите, а американскиот претседател Доналд Трамп го предупредува иранското раководство.
Видеото беше објавено на социјалните мрежи од страна на Иранската арапска новинска агенција.
ربما..
Maybe pic.twitter.com/tB02PrPbp1— إيران بالعربية (@iraninarabic_ir) June 17, 2025
Израел со денови напаѓа ирански воени и нуклеарни објекти уништувајќи го иранското воено и разузнавачко раководство и убивајќи неколку водечки нуклеарни научници. Израел тврди дека дејствува за да го спречи Иран да изгради нуклеарна бомба.
Иран одговори со напади со беспилотни летала и ракети врз Израел, но негира дека се обидува да изгради нуклеарно оружје и вели дека неговата нуклеарна програма е само за цивилна употреба.
Трамп го повика Иран да постигне нуклеарен договор и рече дека нема да му дозволи да развие нуклеарно оружје. Додека Израел го напаѓа Иран, Трамп го зајакна американското воено присуство на Блискиот Исток давајќи си можност да им се придружи.
„Безусловно предавање!“ напиша Трамп на „Тру соушал“ во порака до иранското раководство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Бебе старо само 7 дена е пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин
Европа
23 лица загинаа во рускиот воздушен напад врз Киев вчера, вклучувајќи и двегодишно дете

Во рускиот воздушен напад врз Киев вчера загинаа најмалку 23 лица, вклучувајќи и двегодишно дете, потврдија украинските власти.
Во нападот, кој беше дел од вториот најголем воздушен напад врз Украина од почетокот на војната, беа вклучени 598 беспилотни летала и 31 ракета.
Зградата на Делегацијата на ЕУ и просториите на Британскиот совет беа погодени во Киев. Украинските служби за итни случаи соопштија дека спасувачите работеле цела ноќ за расчистување на урнатините, отстранувајќи повеќе од 2.260 тони урнатини и обезбедувајќи психолошка поддршка на 147 лица.
Белата куќа соопшти дека американскиот претседател Доналд Трамп „не е задоволен од веста, но не е ниту изненаден“, со оглед на долготрајната војна.
Руските напади погодија повеќе локации низ главниот град, вклучувајќи го центарот на Киев и неговите предградија.
фото: принтскрин
Европа
Турскиот шеф на дипломатијата: Русија го промени својот услов за завршување на војната

Турскиот министер за надворешни работи, Хакан Фидан, изјави дека Турција не била присутна на неодамнешните состаноци за војната во Украина бидејќи не е страна во војната. Тој нагласи дека Турција има улога на неутрален посредник.
„Ние не сме страна во војната. Не требаше да бидеме на масата ниту во Алјаска ниту во Вашингтон. Бидејќи Трамп ги обединува завојуваните страни“, рече Фидан за време на интервјуто за TGRT Haber, одговарајќи на прашањата за отсуството на Анкара од неодамнешните состаноци меѓу американскиот претседател Доналд Трамп и украинскиот претседател Володимир Зеленски и европските лидери.
Фидан изрази надеж за перспективите за мир. „Се надеваме на мир меѓу Русија и Украина. Имаме доволно причини за таа надеж“, рече тој, истакнувајќи дека одредени позиции развиени за време на третата рунда разговори во Истанбул подоцна се материјализирале и во разговорите во Алјаска.
Тој нагласи дека Русите го измениле својот став. „Претходно, Русите бараа целосно преземање на териториите на четири региони. Сега се откажаа од овие барања и, освен за еден регион, постојните фронтовски линии ќе останат“, објасни тој.
Тој изјави дека Русија бара предавање на 25-30 проценти од регионот Донецк кој сè уште не е под нејзина контрола. Фидан верува дека губењето на регионот Донецк би ја комплицирало одбраната на Украина доколку борбите продолжат по некое време.
За потсетување, третата рунда преговори меѓу делегациите на Украина и Русија се одржа во Истанбул на 23 јули. Двете страни се согласија за нови размени, не само на заробени војници, туку и на цивили. Украинската делегација ја предводеше Рустем Умеров, а руската делегација Владимир Медински.
фото: принтскрин