Свет
Иран бара САД да се повлечат од регионот

Во време додека сили на САД се повлекуваат од Сирија, Вашингтон сè повеќе изразува загриженост дека Техеран станува премногу вмешан во земјата и постојано го обвинуваат Иран за присуството во Сирија каде што Техеран има воени советници, пренсува РТ.
Заменик-шефот на Иранската револуционерна гарда поради тоа жестоко го критикува Вашингтон:
„Непријателот не може да бара од нас да го напуштиме регионот. Тој мора да го напушти регионот. Ние ќе му помогнеме на секој муслиман насекаде во светот“, додаде бригадниот генерал Хосеин Салами.
Ова не е е првпат Иран да ги отфрли барањата на САД за намалување на своето влијание. Минатата недела високиот помошник на врховниот лидер Али Камнеи, Али Акбар Велјати, предупреди дека, без разлика дали сакаат или не, Американците мора да ја напуштат Сирија.
Присуството на Иран во Сирија сè повеќе ги иритира САД откога претседателот Трамп го објави повлекувањето на 2.000 војници од земјата, каде што се 00од 2015 година. Сепак, во едно неодамнешно интервју Трамп изјави дека сака да задржи дел од силите во регионот за да го заштитат Израел и да го набљудуваат Иран.
Одлуката да се повлече поголемиот дел од американските трупи предизвика реакции во САД, каде што политичарите изразија загриженост дека тоа ќе предизвика повторно реанимирање на Исламската држава и ќе ја остави земјата отворена за Иран и за Русија.
Имено, воените советници од Исламската Република, како и руската војска, беа поканети од Сирија за да помогнат во борбата против тероризмот. Присуството на американските војници, пак, Дамаск го смета за кршење на суверенитетот на Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.
Свет
Трамп: Сорос и неговиот син треба да бидат обвинети за корупција

Претседателот на САД, Доналд Трамп, денес изјави дека милијардерот брокер и голем донатор на Демократската партија, Џорџ Сорос, и неговиот син би можеле да бидат обвинети за корупција според федералниот Закон за организации под влијание на рекетари и корумпирани организации (RICO), но тој не понуди докази за обвинението.
Американските пратеници го донесоа гореспоменатиот федерален закон во 1970 година со цел борба против организираниот криминал, особено мафијата. Трамп долго време го сметаше 95-годишниот Сорос не само за негативец, туку и за зла фигура.
„Џорџ Сорос и неговиот прекрасен син, радикален левичар, треба да бидат обвинети за РИКО (рекетирање, корупција и организиран криминал) за поддршка на насилни протести и многу повеќе низ САД. Ова ги вклучува и неговите луди пријатели на Западниот брег. Бидете внимателни, ве гледаме“, напиша Трамп на својата социјална мрежа Truth Social.
Трамп не понуди докази за обвиненијата против Сорос и неговиот син Алекс. Портпарол на Фондацијата „Отворено општество“ ги отфрли обвинувањата на Трамп, велејќи дека тие се „скандалозни и лажни“.
„Фондацијата ‘Отворено општество’ не поддржува ниту финансира насилни протести. Нашата мисија е да ги промовираме човековите права, правдата и демократските принципи дома и низ целиот свет“, рече портпаролот, истакнувајќи дека фондацијата е еден од најголемите финансиери на невладини организации, вклучувајќи ги „Амнести Интернешнл“ и „Хјуман Рајтс Воч“, и се залага за транспарентност на владата, јавно здравје и образование.
Сорос му ја предаде фондацијата и остатокот од својата империја од 25 милијарди долари на својот син Алекс во 2023 година. Во тоа време, Алекс, едно од петте деца на Џорџ Сорос, за „Волстрит џурнал“ изјави дека е „пополитички настроен“ од својот татко и дека планира да продолжи да донира пари на левичарски политичари.
Фото: ЕПА
Свет
Нуклеарните инспектори на ОН пристигнаа во Иран за прв пат по израелскиот напад

Нуклеарните инспектори на ОН се вратија во Иран за прв пат откако Иран ја прекина соработката со агенцијата по израелските напади врз нејзините нуклеарни постројки, објавија денес иранските државни медиуми.
Иранскиот министер за надворешни работи, Абас Аракчи, им рече на пратениците дека Техеран сè уште не постигнал договор за тоа како да ја продолжи целосната соработка со нуклеарното надзорно тело на ОН, објави парламентарната новинска агенција ICANA.
Тој рече дека инспекторите ќе ја следат размената на гориво во иранската нуклеарна централа Бушер, според извештајот.
Коментарите на Аракчи дојдоа еден ден откако Иран се сретна со Франција, Велика Британија и Германија за да се обиде да ги оживее разговорите за неговата нуклеарна програма, за која западните сили велат дека е насочена кон развој на бомба, додека Исламската Република вели дека е насочена кон цивилни проекти.
Иранските власти велат дека на земјата ѝ е потребен нов договор за соработка со Меѓународната агенција за атомска енергија (МААЕ) по 12-дневната воздушна војна со Израел во јуни, на која брзо ѝ се придружија и САД. Во јуни, иранскиот парламент донесе закон со кој се суспендира соработката со МААЕ и се бара сите идни инспекции да бараат зелено светло од Врховниот совет за национална безбедност на Техеран.
Советот ја одобри посетата на инспекторите, но „нацрт за нов начин на соработка со МААЕ не е финализиран ниту одобрен“, рече Аракчи, според ICANA. „Полнењето гориво на нуклеарниот реактор Бушер мора да се изврши под надзор на инспектори на меѓународната агенција“, додаде тој.
Шефот на МААЕ, Рафаел Гроси, изјави за Фокс њуз дека „првиот тим инспектори на МААЕ се врати во Иран“, но дека агенцијата сè уште дискутира за тоа како да ги продолжи инспекциите. По нападите во јуни, Иран исто така тврдеше дека објектите повеќе не се безбедни за инспекторите.
фото: принтскрин