Свет
Иран го нaдмина лимитот за збогатување ураниум
Надминат е лимитот од 3,67 проценти, што беше утврден во Меѓународниот нуклеарен договор од 2015 година, соопшти иранската агенција за нуклеарна енергија.
Информацијата попладнево ја потврди и Меѓународната агенција за атомска енергија, од каде истакнаа дека инспекторите на Агенцијата утврдиле оти Иран го збогатил ураниумот над границата предвидена со договорот.
Иранскиот претседател Хасан Рохани минатата недела рече дека Иран е подготвен да збогати ураниум во било која количина над нивото од 3.67 проценти.
Ваквите потези предизвикаа загриженост во Европа и САД. Европската Унија го повика Техеран да ги прекине сите активности кои не се во согласност со обврските од нуклеарниот договор, додека претседателот на САД Доналд Трамп го повтори ставот дека Иран никогаш нема да има нуклеарно оружје и повика на внимателност.
Од друга страна, Иран бара од ЕУ да најде начин санкциите на САД да се ублажат и да се исполнат ветувањата за економската помош. Во спротивно, Техеран порача дека последна шанса на ЕУ за спасување на нуклеарниот договор од 2015 година, истекува за 60 дена.
Според зборовите на иранскиот министер за надворшени работи, Абаса Мусавија, Техеран нема да нуди дополнителни „крајни рокови“ за спас на договорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.