Свет
Ирците на референдум гласаа дека „местото на жената е во куќата“, премиерот призна пораз

Ирската влада, предводена од премиерот Лео Варадкар, се соочи со значително назадување и призна пораз по вчерашниот референдум за измена на Уставот во делот на дефинирање на бракот и во делот каде што се вели дека „местото на жената е во куќата“. Граѓаните категорично ги отфрлија предложените уставни измени. Двојниот референдум, спроведен на Меѓународниот ден на жената, кој имаше за цел да ги промени застарените концепти во уставот не помина.
Премиерот Варадкар на денешната прес-конференција потврди дека раните резултати на овој референдум покажале дека јасно мнозинство граѓани гласале против предложените уставни амандмани. Поразот на политиката на владата, предизвика дискусии за ефективноста на нивната кампања и одекот на предложените промени во јавноста.
Ирската влада енергично водеше кампања за граѓаните да гласаат „ЗА“ на двата референдуми, заговарајќи дека овие промени ќе го искорнат сексистичкиот јазик и ќе ја зајакнат заштитата на семејната структура. И покрај овие напори, опозицијата се здоби со привлечност со истакнување на воочените недостатоци во предложените амандмани, особено во последните денови пред референдумот.
Пред-референдумските анкети ја насликаа мнозинската поддршка за предложените измени, што го направи исходот на референдумот уште повеќе изненадувачки. Очекувањето на победа на опцијата „ЗА“ за промена на Уставот преовладуваше на податоците од анкетите. Но, сепак, за ваквите резултати придонесе и нискиот одѕив на гласачите, кој падна под 30 проценти во одредени области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.