Свет
Исак Херцог е новиот претседател на Израел
Исак Херцог, претседател на Еврејската агенција и поранешен лидер на израелската Лабуристичка партија, денес во парламентот (Кнесет) е избран за нов претседател на Израел .
За него гласаа 87 од 120 пратеници.
Исак Херцог (60) ја победи Миријам Перец (67) по професија учителка и предавач по јудаизмот и ционизмот.
Иако вчерашната анкета во Кнесет покажа дека Перец е фаворитка за која израелските медиуми наведуваат дека е приклонета на десницата, како и повеќето Евреи од нејзината генерација кои се доселиле во Израел од Блискиот Исток, таа денес доби само 26 гласа, а шестмина пратеници беа воздржани, објавија израелските медиуми.
Херцог ќе го наследи Рувен Ривлин, чиј мандат истекува на 9 јули.
Тој ќе биде првиот претседател на Израел чиј татко беше и шеф на еврејската држава: Хаим Херцог беше претседател на Израел од 1983 до 1993 година.
Таткото на Херцог, Хаим, беше амбасадор на Израел во ООН пред да биде избран за претседател на Израел.
Неговиот близок братучед Аба Ебан беше првиот министер за надворешни работи на Израел и амбасадор во ООН и САД, а неговиот дедо беше првиот главен рабин во Израел.
Mazal Tov! Le Président de l’Etat d’Israël a été élu. Isaac Herzog. Elu au 1er Tour. | https://t.co/rODIa0n2Jz pic.twitter.com/ICEhWvxJVN
— LeMondeJuifVuPar… (@lemonde_coil) June 2, 2021
Изборот на нов претседател на Израел, чија улога во политиката на земјата е претежно церемонијален, се одржа на денот кога истекува рокот за формирање на новата влада, што може да стави крај на долгото владеење на израелскиот премиер Бенјамин Нетанјаху.
Нетанјаху веднаш му честиташе на Херцог и му посака среќа во име на сите граѓани на Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.