Свет
Историска катастрофа во Ново Мексико – огнот веќе еден месец голта се пред себе

Многу семејства останаа без членови, а илјадници беа евакуирани во вториот по големина пожар во историјата на Ново Мексико, кој може да се влоши овој викенд бидејќи ветерот и сушата во американската сојузна држава го отежнуваат ограничувањето на ширењето на пожарот.
Таканаречениот Hermits Peak Fire гори повеќе од еден месец, а пожарот зафатил површина поголема од градот Чикаго.
Се очекува ветерот и речиси рекордно високите температури како и ниската влажност дополнително да го поттикнат ширењето на пожарот, пренесува Телеграф.
Националната метеоролошка служба во Албакерки предупреди дека ветерот и сушата овој викенд можат само да влијаат на ширењето на катастрофалниот пожар.
Американскиот претседател Џо Бајден прогласи голема катастрофа во Ново Мексико оваа недела и даде употреба на федерални ресурси, вклучително и финансиска помош за жителите на тие области.
Рестораните и продавниците во Лас Вегас, град со 13.000 жители, се затворени, а истата судбина ги снајде и училиштата.
Another view from the fire lines as fire crews work the keep the Calf Canyon Hermits Peak fire from spreading into Las Vegas @KOB4 pic.twitter.com/GlGmRScivJ
— Kai Porter (@KaiPorterKOB) May 5, 2022
Се верува дека пожарот избувнал на 6 април и делумно е поврзан со превентивниот пожар што го подметна Шумската служба на САД со цел да се намали запаливата вегетација. Но, пожарот потоа се споил со друг шумски пожар, пренесе Телеграф.
Gallinas was one of my favorite places ? #pleasehelpus #prayforNM #CalfCanyonFire #HermitsPeakFire pic.twitter.com/6qoGPisJxA
— Amberlynn (@AmberRandumb) April 30, 2022
Големите шумски пожари драстично се зголемија во последните децении.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.
Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.