Едно лице загина, а две се повредени при уривање на мост на автопат во близина на градот Ла Лувиер, на југот на Белгија, соопштија властите.

Градоначалникот Жак Гобер изјави за Ројтерс дека еден работник на мостот загинал кога се урнал, додека други двајца се повредени.

Derrumbe puente de La Louvière, Bélgica.#Lalouvière #Belgium #Belgica #puente #Accidente pic.twitter.com/YDe4fOVeJx

— BryStt (@bry_stt) March 6, 2025

Се појавија застрашувачки снимки од моментот кога се урна дел од мостот.

На видеото се гледа како се урива тротоарот на дел од мостот, повлекувајќи два крана зад него, додека сообраќајот продолжува на другиот дел од мостот. Огромен облак од прашина потоа се издигна над Е42.

Повредените работници се пренесени во болница и еден од нив е тешко повреден, додека други двајца полесно.

Инцидентот се случил вчера попладне во моментот кога на мостот работеле 12 работници, а коловозните ленти биле полни со возила.

Американскиот претседател Доналд Трамп вчера изјави дека најверојатно ќе го направи своето прво странско патување во Саудиска Арабија за да склучи договор со Ријад за инвестирање повеќе од 1 трилион долари во американската економија, вклучително и купување на воена опрема.

Говорејќи пред новинарите во Овалната соба, Трамп рече дека најверојатно ќе отпатува таму во текот на следниот месец и половина. Тој истакна дека првото патување во странство од неговиот прв мандат беше во Ријад во 2017 година за да ги објави саудиските инвестиции проценети на 350 милијарди долари во тоа време.

„Овој пат тие станаа побогати, сите ние остаревме“, рече Трамп.

Тој рече дека, под негови инструкции, Саудијците биле подготвени да инвестираат трилион долари во текот на четири години во американски компании, вклучително и купување на американска воена опрема.

„И тие се согласија да го направат тоа, па јас ќе одам таму и имам одличен однос со нив, а тие беа многу љубезни“, рече Трамп.

Саудиска Арабија презема сè позначајна улога во американската надворешна политика. Специјалниот пратеник на Трамп за Блискиот Исток, Стив Виткоф, им изјави на новинарите дека Саудијците ќе бидат домаќини на американско-украинскиот состанок следната недела на кој ќе се разговара за прекин на огнот во украинската војна.

Во февруари, Трамп се состана со претставници од PGA Tour и LIV Golf во саудиска сопственост, за да разговараат за надминување на јазот меѓу двете компании.

Џаред Кушнер, зет на претседателот и советник за Блискиот Исток за време на неговиот прв мандат, основаше приватна компанија која доби 2 милијарди долари саудиски инвестиции откако Трамп ја напушти функцијата.

Специјалниот пратеник на американскиот претседател Доналд Трамп, Стив Виткоф, изјави дека тој е во разговори со Украина за рамка за мировен договор за прекин на непријателствата со Русија и дека средба со Украинците е планирана за следната недела во Саудиска Арабија.

„Сега сме во разговори за координирање на состанокот со Украинците“, изјави Виткоф за новинарите во Белата куќа. Тој изјави дека најверојатно ќе биде во Ријад или Џеда. Трамп и украинскиот претседател Володимир Зеленски имаа жестока расправија во Белата куќа на 28 февруари, но двете страни оттогаш продолжија да работат на договор за споделување на приходите од минерали.

Во својот говор на заедничката седница на двата дома на Конгресот во вторникот, Трамп рече дека добил писмо од Зеленски во кое украинскиот лидер вели дека е „подготвен да дојде на преговарачка маса што е можно поскоро“. Зборувајќи за средбата во Саудиска Арабија, Виткоф рече: „Мислам дека идејата е да се постигне рамка за мировен договор и првичен прекин на огнот“.