Свет
Италијанска НВО му пркоси на Салвини со нов брод за транспорт на мигранти

Италијанската НВО за транспорт на мигранти Mediterraneo Saving Humans заплови со нов брод во Медитеранот по конфискацијата на нивниот друг брод, пренесува „Ил џорнале“.
Новиот брод „Алекс“ неделава плови во областа покрај крајбрежјето на Либија, познато како зона за пребарување и спасување, а шефот на групата изјави дека бродот ќе ги собере илегалните мигранти и ќе ги однесе во италијанските пристаништа.
Лука Касарини, шеф на невладината организација, беше под истрага на италијанските власти поради трговија со луѓе и беше сосолушуван од заменик-обвинителот на Агриџенто, Салваторе Вела, во април.
Во соопштението за медиумите, невладината организација изјави:
„Ќе стигнеме до т.н. либиска САР, област контролирана од милиции што соработуваат со трговците со луѓе легитимизирани од италијанската политика и политиката на ЕУ. Нашето присуство е единствената вистинска пречка за нивната работа”.
Групата, исто така, го спомена капетанот на Sea Watch-3, Карола Ракете, кој беше уапсен од италијанските власти викендот откако удрил патролен брод во обид за принудно истоварање мигранти во италијанското пристаниште, тврдејќи дека Ракете го сторил тоа што е исправно.
Мисијата на „Алекс“ нема да биде директно да ги собере мигрантите, бидејќи бродот не е опремен за таква задача, туку за поддршка на две други невладини организации за транспорт на мигранти кои работат во либиската зона САР.
Досега Mediterraneo Saving Humans успеа да собере повеќе од 800.000 евра за својата операција за транспорт на мигранти , мнпогу повеќе од планираните 700.000 евра.
Извештаите од минатиот месец покажаа дека оваа НВО, заедно со Sea Watch, потрошиле милиони евра во последните неколку години за нивните операции во Медитеранот.
Популистичкиот италијански министер за внатрешни работи, Матео Салвини, чии политики доведоа до драстично намалување на смртните случаи на давење и нелегална миграција, ја нарече Sea Watch организација за трговија со луѓе и неодамна испрати патролни бродови за да ги спречат другите бродови да влезат во италијанските води со мигрантите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Работата во Газа не е завршена, втората фаза од мировниот договор започнува веднаш

Претседателот на САД, Доналд Трамп, изјави дека работата во Газа не е завршена, бидејќи телата на починатите заложници не се вратени како што беше ветено, објави вечерва „Тајмс оф Израел“.
„Сите 20 преживеани заложници се вратија и се чувствуваат добро, како што може да биде. Тешкиот товар е отстранет, но работата не е завршена. Телата не се вратени, како што беше ветено“, напиша Трамп на социјалната мрежа „Truth Social“.
Договорот потпишан од Израел и Хамас минатата недела значеше дека Хамас ќе ги ослободи сите 48 заложници во рок од 72 часа од стапувањето во сила на прекинот на огнот.
Рокot истече во понеделникot напладне и Хамас ослободи 20 заложници живи, но ги врати само телата на само четворица од 28-те што загинаа во Газа, додека вечерва најави предавање на уште четворица.
Дадениот рок во договорот важи и за телата, пишува „Тајмс оф Израел“, но се чини дека на Хамас му треба повеќе време за да ги лоцира, па затоа е формирана заедничка работна група за да помогне во пронаоѓањето на телата што не се вратени во рок од 72 часа.
„Втората фаза започнува веднаш“, додаде Трамп, алудирајќи на делови од неговиот план од 20 точки за повоено управување и реконструкција на Газа, кој ќе го води преодна влада на палестински технократи и ќе го надгледува мировен комитет со кој претседава американскиот претседател и поранешниот британски премиер Тони Блер.
Првата фаза, според Трамп, вклучува ослободување на заложниците, повлекување на Израел од Газа и обезбедување хуманитарна помош, додека Хамас сè уште не се согласил со втората фаза, која вклучува нивно разоружување.
Фото: принтскрин
Свет
Сикорски: Европа мора да се подготви за „длабок“ руски напад

Полскиот министер за надворешни работи Радослав Сикорски денес предупреди дека Европа мора да биде подготвена за руски напад длабоко на нејзина територија. Тој оцени дека е „неодговорно“ што не гради одбранбени системи како што е „ѕид од беспилотни летала“ на неговото источно крило.
Во Лондон, каде што го претстави иранскиот дрон „Шахед-136“ соборен во Украина, Сикорски ги повика европските земји да „останат доследни“ во својата поддршка за Украина, наведувајќи дека се надева дека американскиот претседател Доналд Трамп ќе ги стави на располагање ракетите Томахавк со долг дострел на таа земја, пренесува Ројтерс.
Тој процени дека снабдувањето на Украина со дополнителна муниција за противвоздушна одбрана, како и оружје со краток и среден дострел, е неопходно за да се помогне во заштитата на Европа, наведувајќи ги како примери упадите на руски беспилотни летала над Полска и борбените авиони над Естонија.
Тој рече дека сè уште не е познато дали беспилотните летала забележани над Копенхаген биле руски.
Запрашан за можноста за проширување на иницијативата „ѕид од беспилотни летала“ за да се спротивстави на идните упади, Сикорски за Ројтерс изјави дека руските напади „за жал би можеле да стигнат длабоко во Европа“.
„Треба да бидеме подготвени да се спротивставиме на тоа и затоа мислам дека би било неодговорно ако не изградиме капацитети против беспилотни летала денес“, рече Сикорски, пренесува Танјуг.
Фото: принтскрин
Свет
Силен земјотрес во Турција

Земјотрес со јачина од 4,1 степени според Рихтеровата скала вечерва ја погоди западна Турција, објави Европско-медитеранскиот сеизмолошки центар (EMSC).
Во соопштението се наведува дека епицентарот на земјотресот бил на длабочина од девет километри.
Засега нема информации за евентуални повредени или штети.