Свет
Италијански гувернер: Ме нарекуваа расист зашто сакав да ги тестирам патниците од Кина во февруари
Гувернерот на италијанскиот регион Ломбардија, кој е најтешко погоден од новиот короновирус Ковид-19, вели дека колегите во владата го нарекувале расист и го исмевале со погрдни зборви зашто уште на почетокот на февруари сакал да бидат воведени тестови на коронавирус за патниците што доаѓаат во Италија од Кина, пренесува „Ла Република“.
„Вашиот премиер на 3 февруари јавно рече:„ Не грижете се, не мора да предвидувате никаква пандемија зашто нашиот систем е подготвен да се соочи со секаков вид вонредна состојба“, рече во вторникот гувернерот Атилио Фонтана на дебата за кризата предизвикана од Ковид-19 во Италија.
Фонтана е член на италијанската партија Лега на поранешниот вицепремиер Матео Салвини.
„Изненаден сум што ме обвинувате дека го потценувам проблемот“, додаде гувернерот на Ломбардија кога некој во салата кон него извикал „Срамота!“
Фонтана, сепак, продолжи, посочувајќи дека бил нарекуван расист зашто сакал да ги тестира патниците од Кина пред да почне кризата со коронавирусот во Италија.
„Вие ми рековте дека сум расист кога барав проверки на сите граѓани што се вратија од Кина. Ме исмеваа со дрски зборови. Ми рекоа дека поради мене, Италија го загубила кредибилитетот во светот затоа што се обидов да предупредувам дека правилата треба строго да се следат бидејќи во спротивно ќе завршиме во драматична ситуација“, додаде тој.
Фонтана потоа го впери прстот кон Вишиот институт за здравје во Италија (Istituto Superiore di Sanità (ISS)) обвинувајќи го дека спречува компанија во Ломбардија, која може да произведе 900.000 маски на ден, принудувајќи ја да чека сертификација за тоа.
„За жал, Вишиот институт за здравство рече дека првиот состанок за процена на овој сертификат е одложен за следната недела. Не треба да велат ‘ќе ви одговориме за неколку недели’ како да ни прават услуга. Ни требаат одговори за неколку часа, не за неколку недели. Во ИСС допрва треба да сфатат дека сме во вонредна состојба. Бидејќи никој, секако, не ни дава маски, дајте ни барем дозвола да ги произведеме“, рече Фонтана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Голем скандал во австралиската војска: илјадници жени биле жртви на сексуална злоупотреба
Четири австралиски војници поднесоа историска колективна тужба против австралиската војска, обвинувајќи ги австралиските вооружени сили (АДФ) за сексуална злоупотреба, вознемирување и дискриминација.
Адвокатите што ги застапуваат жените изјавија дека очекуваат илјадници поранешни војници на АДФ да се приклучат на тужбата, која беше поднесена во Федералниот суд на Австралија во петокот.
Според тужителите, чии имиња се чуваат во тајност од правни причини, инцидентите вклучуваат насилно притискање на ѕид и допирање, како и будење голи и покриени со модринки по забави со машки офицери.
Портпарол на австралиската војска изјави дека се развива нова стратегија за спречување на сексуално насилство и дека таквото однесување „нема место во вооружените сили“.
Тужбата е отворена за сите жени кои служеле во австралиската војска помеѓу 12 ноември 2003 година и 25 мај 2025 година, а е поднесена преку адвокатската канцеларија JGA Saddler.
Една од тужителите, припадничка на воздухопловните сили, беше една од само двете жени во зграда со околу 200 машки вработени. Таа рече дека била подложена на сексистички коментари, непристојни разговори и ѝ биле прикажани порнографски фотографии без согласност.
Таа исто така рече дека нејзиниот претпоставен ѝ рекол дека „жените не треба да бидат платени толку колку мажите бидејќи не се толку силни“.
Друга тужителка, припадничка на морнарицата, рече дека била подложена на вулгарни коментари и несакани допири за време на обуката, а додека служела во странство, била зграпчена и бакната од колега додека се обидувала да избега.
Голем извештај за самоубиствата меѓу австралиските ветерани објавен минатата година откри дека имало околу 800 пријави за сексуален напад во рамките на АДФ помеѓу 2019 и 2024 година.
Сепак, се проценува дека стапката на непријавување е дури 60 проценти, а извештајот истакнува дека ова претставува „само дел од сите форми на сексуално недолично однесување што се случуваат во системот“.
Адвокатот Џош Ајлвард од JGA Saddler, кој го води случајот, рече дека „заканата од војна не е најголемиот страв за жените во австралиската војска, туку стравот од сексуално насилство на работното место“.
„Тие се пријавија да ја бранат својата земја, а не да мора да се бранат од своите колеги војници секој ден, само обидувајќи се да ја работат својата работа“, рече тој.
Портпаролот на АДФ призна дека „сè уште има работа што треба да се направи“, додавајќи дека „сиот воен персонал има право на почит и заслужува позитивна работна средина во австралиските вооружени сили“.
фото: принтскрин
Свет
Ердоган: Турција е подготвена да биде домаќин на самитот на Путин и Трамп
Турскиот претседател Реџеп Таип Ердоган изјави дека Турција е подготвена да биде домаќин на самит меѓу Русија и САД, истакнувајќи дека Истанбул веќе ја потврдил својата улога како место за дипломатски иницијативи насочени кон мир во Украина.
„Важноста на Турција и Истанбул во мирната визија за решение во Украина повторно стана јасна. Подготвени сме да организираме преговори во секое време. Штета што средбата во Будимпешта не се одржа“, изјави Ердоган за новинарите по враќањето од турнејата низ земјите од Персискиот Залив.
Тој нагласи дека секој дијалог може да придонесе за прекин на конфликтот во Украина и потсети дека Турција инсистирала на потребата од праведен и траен мир од самиот почеток.
„Од самиот почеток се залагавме за мир, работевме на него и ја нагласувавме можноста за праведно решение. Имаме добри односи со двете страни и ја стекнавме довербата и на Москва и на Вашингтон. Ова ни дава предност на патот кон мирот и ние сме решени да ја искористиме таа позиција во корист на човештвото“, рече турскиот лидер.
Ердоган потсети дека преговорите меѓу руската и украинската делегација во Истанбул во 2022 година ги донесоа првите конкретни резултати во врска со договорот за извоз на житарки преку Црното Море, што, како што рече, е доказ дека Турција повторно може да игра клучна улога во процесот на стабилизација.
Фото: принтскрин
Свет
Инцидент пред посетата на Трамп: маж нападна полицаец со нож во близина на американската амбасада во Токио
Маж вооружен со нож е уапсен денес во близина на амбасадата на САД во Токио, објавија јапонските медиуми, а инцидентот се случил неколку дена пред планираната посета на американскиот претседател Доналд Трамп на јапонската престолнина.
Еден полицаец е повреден во нападот, но степенот на неговите повреди е непознат, објави TBS News, според полициски извори.
Мотивот за нападот засега е непознат.
Трамп ќе се сретне со јапонскиот цар Нарухито и новоизбраниот премиер Санае Такаичи за време на неговиот престој во Јапонија од 27 до 29 октомври, објави јапонската влада, според Ројтерс.
Полициската управа во Токио мобилизирала дополнителни 18.000 луѓе за да ја зголеми безбедноста за време на посетата, објави претходно Kyodo News.
Фото: принтскрин

