Свет
Италија одби да учествува во нападите врз Хутите
Италија одби да учествува во американските и британските напади врз Хутите во Јемен, изјави владин извор објаснувајќи дека Рим претпочита политика на смирување во Црвеното Море.
Изворот, кој не сакаше да биде именуван поради чувствителноста на ова прашање, исто така рече дека на владата ќе ѝ треба парламентарна поддршка за да учествува во каква било воена акција.
Соединетите Американски Држави и Велика Британија погодија повеќе цели во Јемен од воздух и од море, а Холандија, Австралија, Канада и Бахреин обезбедија логистичка и разузнавачка поддршка, соопштија американските власти.
Ноќните напади се одговор на повторените напади на Хутите врз бродови во Црвеното Море – еден од најпрометните трговски патишта во светот.
Хутите поддржани од Иран објавија во декември 2023 година дека ќе ги таргетираат сите бродови што пловат за Израел, без разлика на знамето, и ги предупредија сите меѓународни бродски компании да не прават бизнис со израелските пристаништа.
„Доколку Газа не ја добие потребната храна и лекови, сите бродови во Црвеното Море, кои патуваат до израелските пристаништа, без разлика на нивната националност, ќе бидат цел на нашите вооружени сили“, рече портпаролот на групата.
Претходно оваа недела, италијанскиот министер за одбрана, Гвидо Крозето, изјави за „Ројтерс“ дека нападите на Хутите мора да бидат запрени, без да предизвикаат нова војна во регионот.
Соединетите Американски Држави и другите земји ја почнаа операцијата „Проспирити гардијан“ минатиот месец за да ги заштитат цивилните бродови во прометното Црвено Море.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ковчези со натпис „Француски војници во Украина“ пронајдени во близина на Ајфеловата кула
Полицијата уапси три лица откако беа пронајдени пет ковчези во близина на Ајфеловата кула во Париз, обложени со француски знамиња со натпис „Француски војници во Украина“, пренесува „АФП“.
Инцидентот се истражува како можно мешање на странска сила во француските работи, соопшти полицијата.
Вчера околу 9 часот три лица оставиле пет ковчези во близина на подножјето на Ајфеловата кула, една од најпосетуваните туристички атракции во светот. Во кутиите имало гипс, изјави за АФП извор близок до случајот.
Возачот на комбето со кое ги превезувал ковчезите, кој бил уапсен во близина, во полиција изјавил дека за тоа му биле платени 40 евра. Се претпоставува дека мажот пристигнал од Бугарија претходната вечер.
Другите двајца беа уапсени подоцна на другиот крај на градот на автобуската станица Берси каде што требаше да се качат на лет за Берлин.
Претседателот Емануел Макрон минатиот месец изјави дека прашањето за испраќање западни трупи во Украина би било легитимно доколку Русија ги пробие линиите на украинскиот фронт и Киев поднесе такво барање.
Макрон ги повтори тие тврдења неколку пати, а Кремљ ги осуди неговите изјави, нарекувајќи ги „опасни“.
Француските власти се сомневаат во руско мешање во неколку други неодамнешни инциденти, вклучително и минатиот месец кога беа испишани црвени графити на францускиот споменик на Холокаустот.
Тројца осомничени во тој случај побегнале во странство.
Франција се сомнева дека Русија стои зад уште еден инцидент, поставувањето на десетици Давидови ѕвезди на зградите во Париз и предградијата набргу по нападот на 7 октомври од милитантите на Хамас врз Израел.
Инспекторите рекоа дека некои од масовните графити, широко осудени како антисемитски, можеби биле извршени на „експресно барање“ на лице кое живее во странство, што имплицира можна поврзаност со Русија. Москва негираше дека има некаква врска со тоа.
Свет
Трамп: На Меланија и е тешко поради моето судење
Доналд Трамп изјави дека судскиот процес против него е многу тежок за неговата сопруга, поранешната прва дама Меланија Трамп, пренесува Newsweek.
Трамп стана првиот поранешен претседател на САД кој беше осуден за кривично дело кога беше прогласен за виновен во четвртокот за 34 точки од обвинението за фалсификување деловни досиеја во случај што произлегува од тајните плаќања на порно актерката Сторми Даниелс за време на претседателската кампања во 2016 година.
Тој е обвинет дека се обидел да ја прикрие веста за наводната вонбрачна сексуална врска. Трамп негираше дека имал афера со Даниелс и жестоко ја критикуваше пресудата на поротата.
Додека неколку членови на семејството на Трамп присуствуваа на судењето за да ја покажат својата поддршка, Меланија Трамп не дојде во судницата.
Во интервјуто што се емитуваше на Фокс во неделата, Трамп рече дека Меланија е добро, но дека и е многу тешко.
„Мислам дека е потешко за моето семејство отколку за мене“, рече Трамп.
„Добро е, но мислам дека и е многу тешко. Мислам, добро е. Но, знаете, таа мора да ги прочита сите овие сра*а“, додаде тој.
Инаку, извори блиски до Трамп изминативе денови зборуваа за гневот на Трамп што Меланија не му пружила јавна поддршка. Меланија не се појави на ниту едно судење во постапката против Трамп.
Свет
Пронајдени телата на двете девојки што ги однесе реката во Италија, потрагата по момчето се’ уште трае
Телата на двете девојки кои исчезнаа пред неколку дена заедно со млад човек кога ги однесе надојдената вода додека стоеја прегрнати, се пронајдени денеска околу пладне во реката Натисон во Премариакo.
Оваа информација ја потврди и градоначалникот на Премариакo, Микеле де Сабата.
Станува збор за Бјанка Дорох, 23-годишна девојка која пристигнала од Романија пред неколку дена да ги посети родителите кои живеат во Удине, но и да се состане со своето момче Кристијано Касијано Молнар (25) кое живее во Австрија; и Патриша Кормос, која утрото пред да замине на брегот го положила испитот на Академијата за ликовни уметности во Удине.
Како што пишува италијанскиот Тикали, телата на девојчињата ги пронашле припадниците на Цивилната заштита на неколку стотини метри од местото каде што ги одвлекла поројната вода.
Потрагата по Кристијано продолжува. Како што соопшти градоначалникот Де Сабата, во потрагата се вклучиле и голем број волонтери и граѓани.