Свет
Кадиров му подари „мерцедес“ на петгодишниот чеченски Шварценегер, кој постигна рекорд со 4.105 склека
Чеченскиот лидер Рамзан Кадиров му подари „мерцедес-бенц“ на петгодишното чеченско момче кое постави рекорд со 4.105 склека, а потоа побара од момчето да вежба на хаубата од автомобилот, пренесува РТ.
Малиот мускулест Рахим Куриев, наречен чеченски Шварценегер, наводно, го постигнал рекордот за 2 часа и 25 минути, вели републичкиот министер за спорт, Муса Ханариков, а потоа му го посветил потфатот на Кадиров.
Трогнат од гестот, Кадиров го посетил Рахим за да му годаде подарокот.
„Овој автомобил ти е подарок од Ајман Кадирова (мајката на чеченскиот лидер), претседателка на добротворната фондација ‘Ахмат Кадиров’ (неговиот починат татко). Дозволи му на татко ти да те вози во него зашто ти заслужуваш да патуваш во бел ‘мерцедес’, му рече Кадиров на Рахим кога му го предаде подрокот.
Како одговор момчето му се пофали дека може да направи и 5.000 склека ако е потребно. Оттогаш Рахим стана славна личност во Чеченија, во рускиот регион Северен Кавказ. Неговиот „Инстаграм“ е исполнет со фотографии и видеа на момчето како крева тегови, се бори со рака и учествува во спаринг за борачки вештини.
Рахим ќе мора да го повтори својот подвиг следната недела за да биде признат од Руската книга на рекордите, од каде што рекле дека, наводно, има некои мали проблеми во снимањето на постигнувањето на рекордот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бил Гејтс се залага за продолжување на работата на УСАИД
Коосновачот на „Мајкрософт“, Бил Гејтс, по состанокот со американскиот претседател Доналд Трамп и шефицата на кабинетот на Трамп, Сузи Вајлс, изјави дека го поддржува продолжувањето на работата на Агенцијата на САД за меѓународен развој (УСАИД).
Гејтс рече дека се сретнал со Трамп во Белата куќа за да се заложи за продолжување на исплатите на странска помош со кои управува УСАИД, објави „Ен-би-си њуз“.
Гејтс, кој беше коосновач на непрофитната фондација „Гејтс“ во 2000 година, истакна дека бил на терен со УСАИД велејќи дека работата на Агенцијата обезбедила неверојатни придобивки.
УСАИД е основана 1961 година и е една од најголемите официјални агенции за помош во светот и има мисии во повеќе од 100 земји, пред сѐ, во Африка, Азија, Латинска Америка, Блискиот Исток и во Источна Европа.
Трамп на почетокот на февруари потврди дека ќе ја укине УСАИД откако неговата администрација објави дека размислува за спојување на УСАИД со Стејт департментот, со цел да го намали бројот на вработени во Агенцијата и да ги усогласи нејзините трошоци со политиката на Трамп – „Америка на прво место“.
Регион
Во Загреб пријавени 16 закани за бомби, од кои за 4 е потврдено дека се лажни
Денеска, во училиштата во Центар, Чрномерец, Трње, Максимир, Пешченица, Медвешчак и Нови Загреб се пристигнати вкупно 16 пријави за бомби, соопшти загрепската полиција.
Досега на пет локации истрагата не ги потврдила наводите за експлозивна направа.
Десетици училишта во Хрватска денеска добија закани за бомби, од кои речиси сите содржеа закани со спомнување Алах и кревање училишта во воздух.
Европа
Ќе се урива облакодерот во Лондон во кој во пожар загинаа 72 луѓе
Лондонската кула „Гренфел“, која беше зафатена од пламен пред повеќе од седум години во катастрофа, во која загинаа 72 лица, ќе биде урната, соопштија денеска ожалостените семејства и преживеаните.
Пожар ја зафати 23-катницата за социјални станови во една од најбогатите населби во Лондон во раните утрински часови на 14 јуни 2017 година. Тоа беше најсмртоносниот пожар на станбена зграда во Британија од Втората светска војна.
Групата Grenfell Next of Kin (GNK), која ги застапува роднините на речиси половина од загинатите, соопшти дека британската вицепремиерка Ангела Рајнер одлуката за уривање на зградата им ја соопштила на семејствата и на преживеаните на синоќешниот состанок.
Уривањето на кулата, која сè уште стои и е покриена со заштитна фолија, ќе почне дури по осмата годишнина од трагедијата во јуни оваа година, велат семејствата.
Во јавната истрага за пожарот, за катастрофата обвинети се пропустите на владата, градежната индустрија и најзначајно – компаниите вклучени во монтирање на надворешноста со запалива обвивка. Неколкумина преживеани и семејствата веруваат дека каква било кривична постапка е одложена поради истрагата.