Свет
Како Израел го пронајде и уби лидерот на Хамас

Израелската војска повеќе од една година трага по лидерот на Хамас, кој исчезна во Газа набргу откако го организираше масакрот на 7 октомври.
Јахја Синвар, 61-годишниот лидер на Хамас, наводно поминал голем дел од своето време криејќи се во тунелите под Појасот Газа, заедно со телохранителите и „човечкиот штит“ на израелските заложници.
Сепак, се чини дека на крајот бил убиен во случајна средба со израелска патрола во јужниот дел на Газа. Заложниците не беа пронајдени.
Многу детали за смртта на Синвар се уште не се познати, но нешто се знае.
Израелската војска (ИДФ) соопшти дека единица од 828-та бригада Бисламах патролирала во областа Тал ал-Султан во близина на Рафа во средата. Тројца милитанти беа идентификувани и убиени во судир со израелски војници.
Првично, немаше индикации за особено значење на овој конфликт, па војниците се вратија на местото на настанот до четврток наутро.
А потоа, при преглед на телата, откриено е дека едно од нив има неверојатна сличност со лидерот на Хамас.
Сепак, телото останало на место поради сомневање за подметнати мини, па дел од прстот бил испратен на тестирање во Израел. Неговото тело на крајот беше пронајдено и однесено во Израел подоцна истиот ден, откако областа беше обезбедена.
יושב רעול פנים ומשליך מקל על רחפן צה"לי | תיעוד רגעיו האחרונים של יחיא סינוואר@ItayBlumental pic.twitter.com/kMdoPBm8hP
— כאן חדשות (@kann_news) October 17, 2024
Даниел Хагари, портпарол на ИДФ, рече дека неговите сили не знаеле дека Синвар е таму, но продолжиле со операциите.
Тој рече дека војниците идентификувале тројца мажи кои трчале од куќа до куќа, а меѓу нив бил и Синвар.
Синвар побегнал во една од зградите и бил убиен откако бил лоциран од дрон.
Израел вчера попладне за прв пат објави дека ја истражува можноста Синвар да е убиен.
Само неколку минути по таа објава, на социјалните мрежи се појавија слики од телото на маж со слични црти на лицето како Синвар, кој се здобил со тешки повреди на главата.
Сепак, официјалните лица предупредија дека идентитетот на тројцата убиени во тоа време не може да се потврди.
Набргу потоа, израелски извори потврдија дека се „сè посигурни“ дека го убиле. Беа извршени сите потребни претреси, а Израел подоцна потврди дека Синвар е елиминиран.
Бенјамин Нетанјаху, израелскиот премиер, рече дека „на злото му е зададен тежок удар, но предупреди дека војната во Газа не е завршена“.
Убиството на Синвар беше главна цел на Израел, што го означи за елиминација веднаш по масакрот на 7 октомври. Но, неговата смрт не значи крај на војната во Газа.
Нетанјаху рече дека се израмнети сметките, но тој нагласи дека војната ќе продолжи додека не бидат спасени преостанатите 101 заложник, кои сè уште ги држи Хамас.
„На семејствата на заложниците сакам да им порачам: ова е важен момент во војната. Ќе продолжиме да се бориме додека сите ваши најблиски, нашите најблиски не се вратат дома“.
Во Израел, семејствата на заложниците изразија надеж дека сега може да се постигне прекин на огнот за да се вратат нивните најблиски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.
Свет
Трамп повторно би го бомбардирал Иран ако извештаите покажат загрижувачки заклучоци за збогатување на ураниум

Претседателот на САД, Доналд Трамп, денес изјави дека апсолутно ќе го преиспита бомбардирањето на нуклеарните објекти на Иран доколку смета дека е потребно, пишува „Си-ен-ен“
„Секако, без сомнение, апсолутно“, им рече Трамп на новинарите во брифингот во Белата куќа, кога директно беше прашан дали би размислил за бомбардирање на земјата доколку идните разузнавачки извештаи покажат загрижувачки заклучоци за збогатувањето на ураниум на Иран.
Трамп рече дека не верува дека Иран би можел „повторно да влезе во нуклеарната програма во скоро време“ по нападите на САД врз неговите нуклеарни објекти минатата недела.
Администрацијата продолжи да изразува доверба во успехот на тие напади, но не понуди никакви разузнавачки податоци за да го поткрепи тврдењето на Трамп дека нуклеарната програма на Иран е, според неговите зборови, уништена.
„Може ли да ви кажам – тие се исцрпени. И Израел е исто така исцрпен. Разговарав со едната и со другата земја, и двете сакаа тоа да се реши – и двете – и ние направивме одлична работа. Но, тие се исцрпени. Последното нешто за кое размислуваат во моментов е нуклеарното оружје. Знаете за што размислуваат? Тие размислуваат за утре, за тоа како да преживеат“, рече американскиот претседател.