Свет
Канада: Нема паника, но можен е недостиг на храна

Канадската земјоделска федерација посочи дека не може да се исклучи недостигот на храна поради пандемијата на Ковид-19 и бара од Отава да формира кризен фонд за земјоделците.
„Не сакаме да паничиме, но во исто време би било неодговорно да не се подигне аларм за да се привлече вниманието кон реалноста со која се соочуваат канадските земјоделци денес“, рече претседателката на фондацијата, Мери Робинсон, во соопштението.
И покрај тоа што ја поздрави досегашната поддршка на сојузната влада во тој сектор, Мери Робинсон сметаше дека тоа не е доволно и предложи кризен фонд за земјоделците на кои ќе им бидат на располагање средства за да ги покријат дополнителните трошоци поради пандемијата.
Поради строгите карантини за странските работници и ограничувањата за патувања, епидемијата Ковид-19 навистина ја намали работната сила во земјоделскиот сектор.
Секоја година канадското земјоделство вработува околу 60.000 привремени странски работници.
Кога границите на земјата беа затворени на 21 март, на овие работници им беше забранет влез.
Во меѓувреме, тие се ослободени од забраната за влез, но неизвесно е колку ќе дојдат оваа сезона.
Земјоделската федерација не ја крие својата загриженост и вели: „Ако ние како нација не реагираме веднаш на овие растечки предизвици, канадските потрошувачи би можеле да се соочат со помалку храна во своите продавници и со зголемување на цените“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.
Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.