Свет
Канадскиот суд ја одложи расправата за екстрадиција на директорката на „Хуавеј“
Канадскиот суд го одложи рочиштето за екстрадиција во САД на директорката на „Хуавеј“, Менг Ванжу, за еден месец и го закажа на 6 март за да ѝ даде време на одбраната да ги разгледа доказите во случајот, пренесува „Спутник“.
Одложувањето беше објавено во вторникот, за време на првото појавување на Менг на суд откако беше ослободена со кауција минатиот месец.
Во понеделникот, властите на САД обелоденија две обвиненија во кои се наведуваат повеќе ставки за банкарската измама, кражба на интелектуална сопственост, прекршување санкции и попречување на правдата од страна на кинеската технолошка фирма, нејзините подружници и филијали.
„Хуавеј“ ги негираше сите прекршоци и ги нарече обвиненијата ‘политички мотивирани’. Канада, исто така, го отпушти својот амбасадор во Кина откако тој го критикуваше барањето за екстрадиција во САД како погрешно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.