Свет
Канаѓанец доби отказ поради карикатурата на Доналд Трамп и удавените мигранти татко и ќерка
Два дена откако карикатурата на претседателот на САД, Доналд Трамп, на која тој игра голф преку телата на двајцата имигранти што се удавија, стана вирална, карикатурист Мајкл де Адер ја изгуби својата работа, пренесува Си-ен-ен.
Мајкл де Адер напиша на „Твитер“ дека поради споменатата карикатура, издавачката куќа во канадската провинција Њу Бранзвик ја прекинала соработката со него.
Cartoon for June 26, 2019 on #trump #BorderCrisis #BORDER #TrumpCamps #TrumpConcentrationCamps pic.twitter.com/Gui8DHsebl
— Michael de Adder (@deAdder) June 26, 2019
На илустрацијата на Де Адер е прикажан Трамп кој ги прашува двајцата мртви мигранти (татко и дете): „Можам ли да одам и да продолжам да играм?” Карикатурата всушност се однесува на неодамнешната трагична смрт на Оскар Алберто Мартинез и неговата 23-месечна ќерка Валерија, кои во потрага по подобар живот сакаа да влезат во САД, но се удавија во обид да ја преминат реката Рио Гранде.
Компанијата Брунсвик нуз АД објави во неделата дека е „целосно погрешно да се сугерира“ дека соработката со Де Адер била прекината поради карикатурата со Трамп и дека тие веќе преговарале на негово место да ангажираат друг карикатурист кој бил популарен меѓу читателите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.