Свет
Каја Калас: Трамп се збунил

Високата претставничка за надворешна политика и безбедност на Европската унија, Каја Калас, изјави синоќа во Јоханесбург дека американскиот претседател Доналд Трамп веројатно ги помешал Владимир Путин со Володимир Зеленски кога го обвини украинскиот претседател дека е диктатор.
„Кога го слушнав тоа, мојата прва мисла беше дека тој сигурно се збунил. Затоа што е јасно дека Путин е диктатор“, изјави Каја Калас за новинарите по министерскиот состанок на Г20.
Навраќајќи се на критиките на Трамп, кој го критикуваше отсуството на претседателски избори во Украина, Каја Калас рече дека „не е можно да се организираат избори за време на војна“.
„Има луѓе кои се раселени“, додаде таа по состанокот на министрите од Г-20, во кој се вклучени 19-те најголеми економии во светот, Европската унија и Африканската унија.
Високиот претставник на ЕУ го повика европското население да остане „со ладна глава“.
„Веќе еден месец се будиме со нови изјави, треба да се навикнеме“, додаде таа.
Според неа, рано е да се зборува за испраќање војници на украинска територија, бидејќи се уште нема прекин на огнот, нема мир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Полицијата се’ уште трага по напаѓачите по пукањето во кафулето во Белград

Пет лица беа ранети во пукање во кафуле во белградската населба Вишњичка бања, а едно лице е во животна опасност. Напаѓачите, кои пристигнале со бело комбе, влегле во локалот и отвориле оган по гостите.
Повредените – две жени и три мажи – се пренесени во Ургентниот центар. Полицијата покрена акција и сè уште трага по сторителите, јавува „Н1“.
Очевидци раскажаа дека на автобуската станица во близина имало голем број деца кои се разбегале уплашени, а пристигнувањето на итната помош се чекало долго. Жителите потсетуваат дека веќе подолг период имаат проблеми со навивачки групи во оваа населба.
Свет
(Видео) Ураган ја потопи Ибица

Ураганот „Габриел“, кој со денови пустоши над Атлантикот, денеска ја погоди Ибица и Форментера, предизвикувајќи поплави и голема материјална штета.
Видео-снимки од социјалните мрежи покажуваат автомобили, мотори и контејнери како ги носи надојдената вода, а улиците се претворени во реки од кал и дожд.
Flooding due to heavy rain on the island of Ibiza, Spain 🇪🇸 (30.09.2025) pic.twitter.com/4gM7xFwDVW
— Disaster News (@Top_Disaster) September 30, 2025
Туристи биле принудени да се симнат од брод во вода до колена.
Jeeze! Passengers step off the sea ferry in Ibiza directly into floodwaters 😳
Bizarre!pic.twitter.com/eH7tE9TLnk
— Volcaholic 🌋 (@volcaholic1) September 30, 2025
Пожарникарите на Ибица интервенирале на повеќе од 20 повици само утринава. Затворени се неколку патишта, меѓу нив и пристапот до аеродромот. Во близина на аеродромот за неколку часа наврнале 74 милиметри дожд, а има и прекини во снабдувањето со струја.
👀 This is on the Spanish Island of Ibiza before the mobile phone warning was sent out. There is a RED warning in place = Danger to life.
📹 @BailoAndrespic.twitter.com/BdXDlvFZF0
— Volcaholic 🌋 (@volcaholic1) September 30, 2025
Силното невреме предизвика проблеми и на Мајорка, каде што северниот дел на планинскиот венец Трамунтана бил најтешко погоден, како и во регионот Валенсија и Мурсија.
Свет
Првиот патнички воз без возач, пуштен во употреба во Европа

Чешка го лансираше првиот патнички воз без возач во Европа што сообраќа на отворена железничка пруга.
Автономниот воз се движи по рута од 24 километри (15 милји) на северот од земјата. За разлика од повеќето автономни возови, кои сообраќаат само во затворени системи како што се метро или аеродромски превоз, овој е дизајниран за железници во реални услови.
Возот без возач, развиен од чешката технолошка фирма AZD Praha, се вика „Едита“ и е опремен со камери, лидар, ласерски скенери, дигитално мапирање и вештачка интелигенција за контрола на влечење и сопирање и откривање на пречки.
За време на тестирањето, „Едита“ забавила поради зајак на пругата и застанала поради стадо овци, покажувајќи ја својата способност да се прилагоди на неочекувани ситуации.
Од почетокот на тест патувањето, тој превезе луѓе вкупно на околу 1.700 километри, пренесуваат медиумите во регионот.
Фото: принтскрин