Принцот Хари вели дека сака помирување со остатокот од кралското семејство, во емотивно интервју, во кое рече дека е уништен што ја изгубил правната битка за неговата безбедност во Обединетото Кралство.

Во интервју за „Би-Би-Си“, тој изјави дека моментално не е во контакт со својот татко, британскиот крал Чарлс Трети.

Принцoт рече дека кралот не сака да разговара со него поради безбедносното прашање, но оти тој не сака повеќе да се бори и не знае уште колку долго ќе живее неговиот татко.

Принцот Хари зборуваше за Би-Би-Си откако го загуби случајот за нивото на обезбедување на кое тој и неговото семејство имаат право додека се во Обединетото Кралство.

„Имав многу несогласувања со некои членови од моето семејство, но им простив“, рече тој.

Принцот сакаше да ги промени правилата за неговата безбедност кога ќе дојде во Велика Британија, кои беа воведени кога тој се повлече од кралското семејство и се пресели во Соединетите држави.

Рече дека се чувствува изневерено и го опиша судскиот пораз како „старомоден установен план“ и го обвини Кралското домаќинство за влијание врз одлуката за намалување на неговата безбедност.

На прашањето дали побарал од неговиот татко да интервенира во безбедносниот спор, принцот Хари рече: „Никогаш не барав од него да интервенира – го замолив да се тргне од патот и да ги остави експертите да си ја завршат работата“.

Поразот на суд и тоа што безбедносното прашање за него и неговото семејство нема да се промени значи дека во моментов не може да го донесе семејството во Велика Британија, изјави тој за Би-Би-Си.

„Во овој момент не можам да замислам да ги донесам сопругата и децата во Велика Британија“, вели принцот Хари.

За одлуката рече: „Се чувствувам уништен – не толку од губитокот колку од луѓето кои ја донесоа одлуката, кои сметаат дека ова е во ред. Дали ова е победа за нив?“

Тој продолжи: „Сигурно има некои луѓе таму, веројатно најмногу оние кои ми посакуваат штета, кои ја сметаат оваа одлука за голема победа.“

Принцот Хари рече дека одлуката да му се одземе безбедноста има влијание на него секој ден, и го оставила во ситуација каде што може безбедно да се врати во Велика Британија само ако биде поканет од Кралското семејство – бидејќи во тие околности ќе добие доволно обезбедување.

Тој рече дека промените во неговиот безбедносен статус во 2020 година не влијаеле само на него, туку и на неговата жена, а подоцна и на неговите деца.

Продолжи: „Сите знаеја дека не ставаат во ризик нас во 2020 година и се надеваа дека знаењето на тој ризик ќе не’ натера да се вратиме.“

„Но кога сфаќаш дека тоа не функционира, дали не сакаш да не’ чуваш безбедни?“

„Без разлика дали си влада, Кралско домаќинство, дали си мој татко, моето семејство – без разлика на сите наши разлики, дали не сакаш да се осигураш за нашата безбедност?“, рече принцот.

Кога беше прашан дали му недостига Велика Британија, тој додаде: „Го сакам мојот дом, секогаш сум го сакал, без оглед на тоа што некои луѓе во таа земја го направиле… и мислам дека е навистина трагично што нема да можам да им ја покажам мојата татковина на моите деца.“

Принцот Хари рече дека нема да бара понатамошен правен предизвик, изјавувајќи дека петочната пресуда „докажала дека не постои начин да се победи преку судовите“.

„Сакам некој да ми го кажеше тоа предходно,“ рече тој, додавајќи дека пресудата била „изненадување“.

Дали сте подготвени да направите храбар чекор – повторно да се заљубите, дури и откако еднаш (или неколку пати) сте доживеале скршено срце?

Луѓето родени под овие два хороскопски знака ја играле таа игра и преживеале. Тие сè уште веруваат во љубовта – со малку повеќе претпазливост, но со истата сила на срцето.

Рак

Ракот ќе ви прости сè – и пораките што сте заборавиле да ги испратите, и лагите што велите дека сте морале да ги кажете, но и фактот дека не сте забележале дека тој молчел затоа што бил во болка.

Тој ќе најде оправдување за вас дури и кога веќе немате. Бидејќи Ракот верува дека вистинската љубов бара трпение, разбирање и прошка.

Но, ако го предадете, го измамите или стапнете на истото место на неговото срце, тој нема да ви каже ништо, туку само ќе се повлече. И не, тој не глуми. Вие повеќе не сте опција. Тој не вика, не се заканува, едноставно нема враќање назад. Кога Ракот ја затвора вратата, сè е тивко, но засекогаш.

Риба

Рибите се вечни идеалисти. Тие веруваат во сродни души, љубовни знаци во универзумот и песни што ги опишуваат. Ако ги повредите, ќе се скршат во тишина – ќе пишуваат текстови што никогаш нема да ви ги покажат и ќе плачат под тушот додека сите други мислат дека пеат.

Но, тие сепак ќе веруваат дека некаде има некој што нема да ја направи истата грешка. Рибите повторно сакаат, повторно сонуваат, даваат повеќе отколку што имаат.

Сепак, кога некој ќе ја премине линијата, рибата станува непрепознатлива – далечна, ладна, речиси сурово јасна. И таа нема да се врати. Бидејќи кога Рибите ќе се скршат, тоа е знак дека душата рекла: „Доста“.

Основачот на „Амазон“ и „Блу Ориџин“, Џеф Безос, падна во пустината во Тексас додека трчаше да се сретне со свршеницата Лорен Санчез.

Како што можeше да се види на преносот во живо од лансирањето, Џеф Безос возбудено трчаше околу капсулата во која се наоѓаше неговата свршеница. Сепак, додека гледа низ прозорците, во еден момент падна.

Видеото набрзо стана хит на социјалните мрежи, а некои решија да се пошегуваат.

🚀 Jeff Bezos, uzay aracına kavuşmanın heyecanıyla yere kapaklandı!pic.twitter.com/7O5isL4YS3

— ÇapaMag (@CapaMag) April 14, 2025

„Џеф Безос по ударот од царините“, „Ова е смешниот момент кога Џеф Безос се сопна токму кога се спремаше да ја поздрави целосно женската екипа на „Блу Ориџин“. „Додека некои ја бакнуваат земјата како симбол на емоции и почит, тој го стори тоа, но не по своја волја“, „Мисијата беше историска, но неговиот пад беше шлаг на тортата“, „Како може да пропушти толку голема дупка? Тој дури и не гледа надолу за да го види теренот по кој оди. Ако некогаш оди на Месечината, веројатно ќе го изгубиме ако некако успее да лебди од површината или да го искине оделото на мала карпа“, беа некои од коментарите.

Сепак, на крајот ја сретна Лорен на вратата од капсулата и ја прегрна цврсто. Потоа, Лорен истрча да ги прегрне членовите на своето семејство кои исто така беа присутни на историскиот настан.

Jeff Bezos opened the hatch for Blue Origin’s NS-31 mission, marking a historic milestone as the all-female crew successfully completed their journey. #JeffBezos #BlueOrigin #NS31 #SpaceExploration #WomenInSpace #HistoricMissionpic.twitter.com/CJwmw0K5NZ

— Samantha Lopez (@AishaM45229) April 14, 2025

„Не можам да го опишам со зборови. Ја видовме месечината. Земјата изгледаше толку мирно… Мислам дека не може да се опише тоа“, рече Санчез со солзи во очите.

Санчез полета во вселената заедно со уште пет жени, имено пејачката Кети Пери, новинарката Гејл Кинг, активистката за човекови права Аманда Нгуен, ракетната научничка Ајша Боу и продуцентката Керијан Флин. Ракетната мисија НС-31 е дел од програмата „Њу Шеферд“ на „Блу Ориџин“ и е првиот вселенски лет само со жени од 1963 година.