Свет
Кина бара САД да се откажат од барањето за екстрадиција на директорката на „Хуавеј“
Кинеското министерство за надворешни работи го повика американскиот амбасадор за да му вложи протестна нота поради апсењето на директорката за финансии на компанијата „Хуавеј“, Менг Ванжу, во Канада минатата недела и сметаат дека САД треба да го повлечат барањето за екстрадиција.
Менг беше уапсена на 1 декември во Канада а ѝ се заканува екстрадиција во САД кои сметаат дека компанијата „Хуавеј“ од 2016 година ги продавала производите произведени во САД на Иран и други земји под американски санкции. Менг е ќерка на основачот на „Хуавеј“.
„Заменик министерот за надворешни работи на Кина Ле Јученг на американскиот амбасадор Тери Банстад му рече дека САД упатиле неразумно барање до Канада да ја уапси Менг на аеродром додека чекала лет. Американските постапки серозно ги прекршуваат правата на кинеските државјани и по природа се исклучително заканувачки“, соопшти кинеското МНР.
Ли рекол дека Кина ќе одговори во зависност од идните американски потези. Тој претходно го предупреди канадскиот амбасадор на сериозни последици ако Канада веднаш не ја ослободи Менг.
Од „Хуавеј“ соопштија дека немаат сознанија за каков било престап за кој Менг би можела да биде одговорна и дека компанијата ги почитува законите во зекоја земја во која што делува, како и постоечките санкции.
Менг во 2007 година ја презеде директорската позиција во компанијата „Скајком Тех“ со седиште во Хонгконг, која е дел од „Хуавеј“, а соработува со Иран. Нејзината улога во оваа компанија е од посебен интерес за американските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.