Свет
Кина го оцени третманот на директорката на „Хуавеј“ во Канада како нечовечки
![](https://makfax.com.mk/wp-content/uploads/2018/12/10-kina.jpg)
Кина го критикуваше, според нив, нехуманиот третман на главниот финансиски директор на „Хуавеј“ , Менг Ванжоу, која претходно беше уапсена во Канада, пренесува „Спутник“.
„Ние веруваме дека ова е нехумано и ги крши нејзините човекови права”, изјави портпаролот на кинеското МНР, Лу Кан, на брифингот за печатот во понеделникот.
Тој се осврна на извештајот на кинескиот државен весник „Глобал тајмс”, кој тврдеше дека канадскиот затворски објект не ѝ нуди ни неопходна здравствена заштита на Ванжу.
Извештаите дојдоа откако Ванжу тврдеше дека треба да биде ослободена со кауција, посочувајќи дека била третирана во канадска болница за хипертензија откако била уапсена на 1 декември поради можна екстрадиција.
Таа е обвинет за измама зашто ѝ кажала на британската банкарска компанија ХСБЦ дека кинескиот технолошки гигант работел во целосна согласност со американските санкции против Иран, додека една од нејзините подружници не работела во согласност со ограничувањата.
Нејзиното апсење ги засили трговските тензии меѓу САД и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Лидерите на самитот на НАТО загрижени за здравјето на Бајден и можното враќање на Трамп
![](https://makfax.com.mk/wp-content/uploads/2024/07/hfgh.jpg)
Европските лидери внимателно ќе го следат американскиот претседател Џозеф Бајден на самитот на НАТО во Вашингтон бидејќи неговиот несигурен настап во ТВ-дебата со ривалот Доналд Трамп ја зголеми веќе постојната загриженост кај Европејците, кои ги гледаат САД како непредвидлив сојузник, пишува „Гардијан“.
Самиот Бајден се надева дека неговата лидерска улога на самитот може да ја спаси неговата кампања од Трамп во услови на бранови загриженост за возраста и за менталната состојба на претседателот.
Некои европски претставници, сепак, изразија загриженост во приватни разговори за неизвесниот јавен настап на Бајден, како и големата веројатност Трамп да добие втор мандат.
Свет
(Видео) Орбан неочекувано се појави во мировна мисија во Кина
![](https://makfax.com.mk/wp-content/uploads/2024/07/orban-kina.jpg)
Кинеските државни медиуми јавија за пристигнувањето на унгарскиот премиер Виктор Орбан во Пекинг. И тој самиот објави на платформата Х, „Мировна мисија 3.0 #Пекинг“, заедно со фотографија со Хуа Чунјинг, заменичка на министерот за надворешни работи на Кина, која го пречека на аеродромот.
Peace mission 3.0 #Beijing pic.twitter.com/DZZFv4qAEH
— Orbán Viktor (@PM_ViktorOrban) July 7, 2024
Подоцна, тој објави и фотографија од средбата со шефот на кинеската партија и држава, Шји Џјинпинг, украсена со хаштагови #HU24EU и #peacemission, со порака дека „Кина е клучна сила за создавање услови за мир во војна меѓу Русија и Украина“.
#China is a key power in creating the conditions for #peace in the #RussiaUkraineWar. This is why I came to meet with President Xi in Beijing, just two months after his official visit to Budapest. #HU24EU #peacemission pic.twitter.com/6UcFkb4ynQ
— Orbán Viktor (@PM_ViktorOrban) July 8, 2024
Кинеската новинска агенција „Ксинхуа“ објави дека Орбан се сретнал со шефот на кинеската држава и партија и дека главна тема била војната на Русија против Украина. Кинеските медиуми исто така објавија дека Шји Џјинпинг се изјаснил за прекин на огнот во Украина и мировни преговори потоа. Ова ќе биде од корист за интересите на сите страни, ги пренесува „Ројтерс“ тврдењата на кинеските државни медиуми.
Меѓународната заедница мора да создаде услови Русија и Украина да влезат во директен дијалог, изјави Шји Џјинпинг, според овие извори, и дека за тоа е потребна „позитивна енергија“. Како тоа треба да се случи и кои актери се важни за тоа, Шји не кажа.
President Xi made it clear to me today that #China will continue its efforts aimed at creating the conditions for #peace. We are not alone!
Peace mission to be continued… pic.twitter.com/TNz1GcwIgB— Orbán Viktor (@PM_ViktorOrban) July 8, 2024
Заедно со Орбан во Кина замина и унгарскиот министер за надворешни работи, Петер Сијарто, за што тој самиот објави на „Фејсбук“. Сијарто првично требаше да се сретне со германската министерка за надворешни работи, Аналена Баербок, во Будимпешта, но средбата беше откажана. Унгарското Министерство за надворешни работи ова го објасни како „непредвидлива промена“ во распоредот на Сијарто, пишува „Дојче веле“.
Во оваа насока, германското Министерство за надворешни работи објави дека „сериозен и искрен личен разговор меѓу двајцата министри за надворешни работи ќе биде важен со оглед на ненадејното заминување на премиерот Орбан во Москва, кое не беше координирано со партнерите“.
Кина е најважниот сојузник на Русија. Народна Република има блиски економски и политички односи со Москва. Затоа се верува дека Пекинг може да влијае на Русија во врска со војната во Украина. Кина сака да се претставува како неутрална во оваа војна. Сепак, западните земји постојано ја обвинуваат дека ја поддржува руската индустрија за оружје, а со тоа и војната во Украина со извоз на важна технологија и опрема.
Пекинг го откажа учеството на неодамнешната мировна конференција за војната во Украина што се одржа во Швајцарија, велејќи дека нема услови за учество на Кина и дека кинеската влада сама ќе работи на постигнување мировен договор. Експертите претпоставуваат дека главната причина за откажувањето на учеството на Кина на конференцијата е фактот што Русија не учествуваше на неа.
Откако Унгарија го презеде претседавањето со Советот на Европската унија на 1 јули, унгарскиот премиер ненадејно отпатува за Киев, за прв пат од почетокот на руската агресија врз таа земја. После тоа, и Орбан ненадејно отпатува за Москва, каде се сретна со рускиот претседател Владимир Путин. Голем број водечки политичари на ЕУ ја критикуваа посетата.
The Russia-Ukraine war, in addition to the loss of lives and terrible destruction, threatens to divide the world into blocs again. It is in Hungary’s interest to maintain open, peaceful and dynamic economic relations with the countries of the world. The countries of the… pic.twitter.com/2HpZus3xoE
— Orbán Viktor (@PM_ViktorOrban) July 6, 2024
Претседателката на Европската комисија, Урсула фон дер Лајен изјави дека соло акцијата на Орбан ја гледа како опасност за кредибилитетот на Европската унија. Германскиот канцелар Олаф Шолц јасно стави до знаење дека Орбан отпатува во Москва како унгарски премиер, а не како надворешнополитички претставник на Европската унија.
Свет
Русија ги негира тврдењата на Киев за намерен напад врз цивилни цели
![](https://makfax.com.mk/wp-content/uploads/2024/07/fd.jpg)
Руското Министерство за одбрана денеска ги отфрли наводите на Киев за намерен напад на руските сили врз цивилни цели нагласувајќи дека групниот напад врз воени цели во Украина е одговор на обидот на Киев да ги оштети руските енергетски и економски капацитети.
Во соопштението беше посочено дека руските сили извршиле напад со оружје од долг дострел врз објектите на украинската воена индустрија и воздухопловната база на Вооружените сили на Украина, пренесува „РИА новости“.
Руското министерство соопшти дека фотографиите и видеата од Киев покажуваат дека уништувањето е предизвикано од падот на украинската ракета за воздушна одбрана лансирана од противвоздушен ракетен систем во градот.