Свет
Кина го поддржа Трамп во преговорите со Русија за постигнување мир во Украина

Синоќа, на состанокот на Г-20 во Јужна Африка, Кина ги поддржа напорите на американскиот претседател Доналд Трамп да постигне договор со Русија за ставање крај на војната во Украина.
Помалку од еден месец откако стана претседател, Трамп ја промени американската политика кон војната, завршувајќи ја кампањата за изолација на Москва со телефонски повик до рускиот претседател Владимир Путин и разговори меѓу високи американски и руски претставници, но без Украина.
Трамп потоа го осуди Зеленски како „диктатор“ во средата, што поттикна изјави за поддршка на украинскиот претседател од членките на Г20, како што се Австралија, Германија и Обединетото Кралство.
„Кина ги поддржува сите напори што водат кон мир (во Украина), вклучително и неодамнешниот консензус постигнат меѓу САД и Русија. Кина е подготвена да продолжи да игра конструктивна улога во политичкото решавање на кризата“, им рекол Ванг Ји на другите министри за надворешни работи на Г-20 собрани во Јоханесбург, се вели во соопштението од неговото министерство.
Ванг не го повтори ставот што го искажа на Минхенската безбедносна конференција минатиот петок дека сите засегнати страни во руско-украинскиот конфликт треба да учествуваат во какви било мировни преговори.
Пекинг сака да обезбеди негово вклучување во секој договор што Трамп сака да го направи со Кремљ, за да спречи моментално дипломатски изолираната Русија да се лизне под негово влијание и затоа што нејзините врски со Русија и даваат „пристап“ до европските претставници, кои се загрижени дека би можеле да бидат изоставени од какви било преговори, велат аналитичарите.
„Со тоа што отиде директно кај Путин, претседателот Трамп го избриша она што Пекинг се надеваше дека може да биде клучен дел од неговата почетна потпора. Наместо тоа, Кина сега може да го фокусира своето внимание на дискусија за улогата на Кина во евентуалното обновување и одржување на мирот – нешто што ќе му даде на Пекинг многу поголем удел во европската безбедносна архитектура“, рече Руби Осман, експерт за Кина во глобалниот институт „Тони Блер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.