Свет
Кина знаеше за инвазијата – Пекинг побара од Путин да почека до крајот на ЗОИ за да почне напад

Кина побара од Русија да почека со нападот врз Украина додека не завршат Зимските олимписки игри, според извештаите на западните разузнавачки служби, пишува „Њујорк тајмс“.
Да потсетиме, Зимските олимписки игри се одржаа во Пекинг во февруари.
„Њујорк тајмс“ од американската администрација дознава дека сите западни земји имале информации за рускиот напад, како и Кина, на која не ѝ се допаднал датумот кога рускиот претседател Владимир Путин планирал да го изврши.
Како резултат на тоа, тие наводно оствариле контакт за да го одложат нападот додека не завршат Игрите.
„Рускиот претседател Владимир Путин се сретна со кинескиот претседател Шји Џјинпинг на 4 февруари во Пекинг пред церемонијата на отворањето на Олимписките игри. Москва и Пекинг потоа издадоа изјава од 5.000 зборови, во која велат дека нивното партнерство нема граници осудувајќи го проширувањето на НАТО и велејќи дека тоа ќе воспостави нов глобален поредок со вистинска демократија“, според „Њујорк тајмс“.
Во текстот се наведува дека разузнавачките податоци на западните служби за размена на информации меѓу кинески и руски функционери биле доверливи, а функционерите што го разгледале извештајот го сметале за веродостоен.
Претставник на разузнавањето рече дека материјалот не мора да укажува дека разговорите за кинеско-руската инвазија биле одржани на претседателско ниво, а други разузнавачки претставници рекоа дека зборувале под услов да останат анонимни. Тие одбија да дадат повеќе детали, пишува весникот.
„Кинеската амбасада во Вашингтон ги демантира наводите на американскиот весник“, според „Њујорк тајмс“.
Да потсетиме, церемонијата на затворање на Зимските олимписки игри се одржа на 20 февруари, а на 24 февруари руската армија ја почна инвазијата на Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.