Свет
(Видео) Кина погодена од бран респираторни заболувања: „Пикот на грипот го очекуваме зимава и напролет“

Кина повика на претпазливост бидејќи бран респираторни заболувања ги погоди училиштата и болниците, а Светската здравствена организација (СЗО), која побара од владата податоци за болеста, рече дека не се откриени невообичаени или нови патогени.
Кина се бори со пораст на респираторните заболувања бидејќи влегува во својата прва целосна зимска сезона по укинувањето на строгите ограничувања за Ковид-19 во декември, при што бројот на болни деца е особено висок во северните области, како што се Пекинг и провинцијата Лијаонинг, каде што болниците предупредуваат на долго чекање.
🇨🇳#China Ongoing #flu season particularly impacting children, with multiple viruses circulating. High incidence of respiratory pbs. In a local #hospital #Beijing, over700 patients wait in line, estimated waiting time more than 13 hours to see a doctor. @WHO issuing a warning ⚠️ pic.twitter.com/yrOdPlhr7Q
— FranceTVChine (@francetvchine) November 23, 2023
Државниот совет објави дека грипот ќе го достигне врвот оваа зима и напролет и дека инфекцијата со Mycoplasma pneumoniae ќе продолжи да биде висока во некои области понатаму.
„Сите места треба да го зајакнат пријавувањето аразни болести за да се обезбеди навремено и точно известување“, се вели во соопштението на Државниот совет.
Ситуацијата дојде во фокус оваа недела кога СЗО побара од Кина повеќе информации цитирајќи го извештајот на Програмата за следење на новите болести (ProMED) за групи на недијагностицирана пневмонија кај децата.
⚠️UNDIAGNOSED PNEUMONIA OUTBREAK—An emerging large outbreak of pneumonia in China, with pediatric hospitals in Beijing, Liaoning overwhelmed with sick children, & many schools suspended. Beijing Children’s Hospital overflowing. 🧵on what we know so far:pic.twitter.com/hmgsQO4NEZ
— Eric Feigl-Ding (@DrEricDing) November 22, 2023
И Кина и СЗО се соочија со прашања за транспарентноста на известувањето за најраните случаи на Ковид-19, што се појавија во централниот град Вухан кон крајот на 2019 година.
Во четвртокот СЗО објави дека Кина одговорила на нејзиното барање и дека податоците што ги достави сугерираат дека случаите се поврзани со укинувањето на ограничувањата за ширење на Ковид-19 и циркулацијата на познати патогени, како микоплазма пневмонија, вообичаена бактериска инфекција која најчесто ги погодува децата и која циркулира од мај.
Властите овој месец почнаа да издаваат здравствени совети и да ја предупредуваат јавноста за долго чекање во преполните болници, но не воведоа мерки, како што се маски или затворање училишта како за време на пандемијата на коронавирусот. Нема индикации за непотребен јавен аларм.
Брус Томпсон, раководител на Факултетот за здравствени науки во Мелбурн, рече дека „во оваа фаза нема ништо што сугерира дека ова може да биде нова варијанта на коронавирус“.
„Едно нешто што треба да се забележи е дека можеме да бидеме сигурни оти процесите на мониторинг функционираат, што е многу добро“, додаде тој.
Родителите во Шангај рекоа дека не се премногу загрижени за бранот на болеста велејќи дека иако се чини дека е посериозна, очекуваат набргу да престане.
„Настинки има насекаде во светот“, рече Емили Ву пред детската болница.
„Се надевам дека луѓето нема да бидат пристрасни од пандемијата… туку ќе гледаат на тоа од научна перспектива“.
Друга мајка, Фенг Зиксун, рече дека го тера својот осумгодишен син да носи маска и почесто да си ги мие рацете, но ништо повеќе.
„Не е толку страшно, сега има повеќе болни деца, но главно се работи за заштита“, вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Поплава во Одеса однесе девет животи, меѓу нив и дете

Најмалку девет лица, меѓу кои и осумгодишно дете, загинаа во украинскиот град Одеса по силно невреме и поплави, соопштија локалните власти.
Спасувачките екипи во текот на ноќта евакуирале стотици жители, а досега се спасени 362 лица. Во поплавите загинале шест жени, двајца мажи и едно дете.
A horrific situation in Odesa these days – 9 people have died as a result of the natural disaster, including a child. My condolences to their families and loved ones. Information is being verified regarding another person whose fate remains unknown.
Ukraine’s State Emergency… pic.twitter.com/cAa5CBNr4V
— Volodymyr Zelenskyy / Володимир Зеленський (@ZelenskyyUa) October 1, 2025
Обилните дождови за половина ден предизвикале количина на врнежи речиси еднаква на месечниот просек, што довело до прекини на струја и уривање на дрвја низ регионот.
Одеcка област, која е стратешки важна поради пристаништето на Црното Море, и во минатото била цел на руски напади врз инфраструктура и цивилни зони.
Свет
(Фото) Двегодишно девојче прогласено за жива божица во Непал

Двегодишно девојче е избрано за нова жива божица во Непал, носена од семејството од својот дом до храмовата палата во вторникот за време на најважниот хиндуистички фестивал во земјата. Арјатара Шакја, стара 2 години и 8 месеци, е новата Кумари, или девица божица, која ја наследува својата претходничка, која традиционално се смета за обичен смртник по достигнувањето пубертет, објавува Си-ен-ен.
Кој може да биде Кумари?
Кумарите се избираат од кланот Шакја, кој припаѓа на заедницата Невар, домородна во долината Катманду. Тие се обожавани и од хиндуистите и од будистите во претежно хиндуистичката нација. Девојчињата се избираат на возраст помеѓу две и четири години и мора да исполнуваат строги критериуми – мора да имаат беспрекорна кожа, коса, очи и заби и не смее да се плашат од темнината.
За време на фестивалот „Индра Џатра“ претходно овој месец, поранешната Кумари се возеше во кочија влечена од верници. Кумари секогаш носи црвена облека, косата ѝ е врзана во пунџа, а на челото има насликано трето око.
Вторникот го одбележа осмиот ден од Дашаин, 15-дневна прослава на победата на доброто над злото, а канцелариите и училиштата беа затворени за луѓето да може да слават со своите семејства. Семејството, пријателите и верниците ја придружуваа новата Кумари на улиците на Катманду пред да влезе во храмовата палата, која ќе биде нејзин дом во следните неколку години.
Верниците се редеа за да ги допрат нозете на девојчето со челата, највисок знак на почит меѓу хиндуистите во хималајската нација, и ѝ нудеа цвеќе и пари.
Новата Кумари утре ќе ги благослови верниците вклучувајќи го и претседателот. „Вчера, таа беше само моја ќерка, но денес е божица“, рече татко ѝ, Ананта Шакја.
Тој додаде дека имал знаци оти таа ќе стане божица уште пред да се роди. „Мојата сопруга сонуваше за време на бременоста дека е божица и знаевме дека ќе биде некој многу посебен“, рече тој.
фото: принтскрин
Регион
Генерален штрајк во Грција по најавата за работа од 13 часа на ден

Животот во Грција денес ќе застане поради генерален штрајк против плановите на конзервативната влада за воведување можност за 13-часовен работен ден. Транспортот во Атина, возовите и фериботите ќе бидат во прекин, а ќе учествуваат и наставници, болнички работници и државни службеници.
Протести се најавени околу пладне во целата земја против реформата што ја заговара конзервативната влада на Киријакос Мицотакис.
Главниот синдикат на приватниот сектор GSEE, кој го предводи штрајкот заедно со синдикатот на јавниот сектор ADEDY, објави дека реформата „ги загрозува здравјето и безбедноста на работниците и ја уништува рамнотежата помеѓу работата и приватниот живот“.
Прокомунистичкиот синдикат ПАМЕ ја обвини владата дека се обидува да воведе модерно ропство за работниците и да ги принуди да трпат нехумано работно време и мизерни плати.
Синдикатот исто така го отфрли она што го нарече сурова дерегулација, што бргу напредува во Грција од должничката криза во 2009 година.
Најавениот закон би овозможил работа од 13 часа на ден за истиот работодавец во вонредни околности и со дополнителни прекувремени часови.
Во земја во која економијата закрепна од должничката криза, но сè уште е кревка, оваа можност веќе постои, но само ако работникот има два или повеќе работодавци.
Мицотакис, кој е на власт од 2019 година, истакна дека многу млади луѓе во моментот работат две работни места и сакаат да работат повеќе за да заработат повеќе.
Министерката за труд Ники Керамеус нагласи дека мерката е исклучителна и нема да стане вообичаена. „Тоа е одредба што важи до 37 дена во годината, само со согласност на работниците и со зголемување на платите од 40 проценти“, изјави таа за „Мега ТВ“ оваа недела.
И покрај намалувањето на невработеноста и континуираниот раст на БДП, кој според Европската комисија минатата година изнесувал 2,3 процента, ниските плати остануваат главен извор на загриженост и еден од главните проблеми за Грците заедно со високите трошоци за живот.
Минималната плата, иако е зголемена, е 880 евра месечно.
Според Евростат, Грците работат просечно 39,8 часа неделно во споредба со просекот на Европската Унија од 35,8 часа.
Во туристичкиот сектор, во текот на шпицот на сезоната, келнерите и готвачите работат многу часови, понекогаш без слободен ден во неделата. Законскиот работен ден во Грција трае осум часа, со можност за платена прекувремена работа.
Грција веќе ја воведе опцијата за шестдневна работна недела, особено во време на голема побарувачка во одредени сектори, како што е туризмот.