Свет
Кинеската морнарица избркала американски воен брод од територијалните води

Воен брод на САД бил избркан од спорните води на Јужното Кинеско Море откако кинеската морнарицата ги кренала борбените авиони и поморските единици за да го придружуваат, обвинувајќи го Вашингтон за провокативни активности на море, пренесува „Глобал тајмс“.
УСС Бери, уништувач на насочувани ракети, нелегано влегол во територијалните води на Пекинг во близина на спорните острови Сјиша – познати како Парселски Острови – во вторникот, се вели во соопштението на кинеската морнарица.
Инцидентот е прв случај во кој кинеската морнарица активно објави нелегален пристап во областа.
„Провокативните активности на САД сериозно го нарушија меѓународното право и сродните норми, сериозно го нарушија кинескиот суверенитет и безбедносните интереси и намерно ги зголемија регионалните безбедносни ризици. Ги повикуваме САД да се фокусираат на спречување и контрола на епидемијата дома и веднаш да престанатс о воените дејствија против регионалната безбедност, мирот и стабилноста “, вели полковник Ли Хуамин, додавајќи дека акцијата можела да доведе до несреќа.
A US warship trespassing into Chinese territorial waters off the Xisha Islands in the #SouthChinaSea on Tue could have potentially caused an accident, and the US should focus on controlling #COVID19 at home rather than destabilizing security and peace. https://t.co/QkmFVgfjo4 pic.twitter.com/S4EhhVgYxi
— Global Times (@globaltimesnews) April 28, 2020
Претходно неделава, УСС Бери помина низ блискиот тајвански теснец во својот втор рутински транзит овој месец, внимателно следен од кинески носач на авиони во двата наврати. Американските воени бродови редовно патролираат низ теснецот, како и во Јужното Кинеско Море и Источното Кинеско Море, наведувајќи ја потребата да се заштити слободата на навигација, но Кина во неколку наврати ги критикуваше операциите како нарушување на нејзиниот суверенитет.
Тензиите меѓу Вашингтон и Пекинг забележаа голем пораст во последните недели, при што двете страни си разменија обвинувања во врска со пандемијата на коронавирусот и неговото потекло. Американски официјални лица, вклучително и претседателот Доналд Трамп, тврдеа дека Кина криела витални информации во раните фази на здравствената криза, па дури и ги замрзнаа средства за СЗО за нејзината наводна улога во прикривањето.
Пекинг возврати со инсинуирање дека американската војска можеби имала улога во првобитната појава на Ковид-19 во Вухан, а голем број кинески претставници ги отфрлија обвиненијата на САД, тврдејќи дека ги споделиле информациите за вирусот веднаш штом биле достапни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Подољак за Путин: „Од една страна вели секако, но од друга страна, јасно е кој сака војната да продолжи“

Вонредната состојба во Украина нема да биде укината во случај на 30-дневно примирје со Русија, ниту за тоа време ќе се одржат избори, изјави денеска советникот на шефот на кабинетот на украинскиот претседател, Михаил Подољак.
„Примирјето од 30 дена не е крај на војната. Ситуацијата ќе биде непредвидлива. Невозможно е да се укинат вонредната состојба и процедурите за заштита на земјата за толку краток временски период. Ќе биде неопходно да се преговара, проверени набљудувачи кои ќе можат да го забележат прекршувањето на примирјето и да обезбедат одвојување на страните. Мораме да ја задржиме способноста за борба“, рече тој.
Подољак истакна и дека изборите во Украина нема да се одржат доколку се прогласи 30-дневен прекин на огнот, бидејќи се уште не е можно да се гарантира безбедноста на избирачките места и изборната кампања.
Тој нагласи дека тоа ќе биде можно доколку започнат преговорите за стабилен прекин на огнот гарантиран од неутрални набљудувачи.
Подољак посочи дека Украина нема да се откаже од одредени барања, како што се безбедносни гаранции, почитување на територијалниот интегритет на Украина и зачувување на нејзината култура, историја и јазик.
Тој го обвини рускиот претседател Владимир Путин дека всушност не планира да прифати привремено примирје според американскиот предлог, иако рускиот лидер рече дека начелно се согласува со предлогот, но дека „има нијанси“.
„Неговиот одговор е двосмислен. Од една страна, тој вели – се разбира, ова е јасно, ова е неопходно, но од друга страна, тој продолжува да вели дека има нијанси. И тие ја бришат самата идеја за прекин на огнот“, рече Подољак.
Тој тврди дека Путин во суштина сака Украина да престане да се брани и да произведува оружје, како и да се откаже од контролата над линијата на фронтот.
„Стана јасно кој сака да ја продолжи војната. Нашето искуство од 2014 година ни кажува дека Москва ги прекршува сите договори. Самитот во Џеда ја стави во позиција каде што ќе треба да ја разјасни ситуацијата. Ќе видиме“, рече тој.
Зборувајќи за украинско-американските преговори во Џеда, Подољак истакна дека САД директно не соопштувале какви отстапки ќе мора да направи Украина.
„Тие сакаат да имаат транспарентни економски односи со Украина, во кои инвестираа значителни воени и финансиски ресурси. А Украина е многу заинтересирана за обновување на ефективни билатерални односи: САД имаат клучен арсенал, како што се противракетна одбрана, специјална муниција и разузнавање“, рече тој.
Тој посочи дека и покрај конфликтот меѓу претседателите на Украина и на САД, Володимир Зеленски и Доналд Трамп, на средбата во Овалната соба, Киев „му верува“ на американскиот лидер, кој, како што тврди Подољак, е сојузник на Украина.
Подољак истакна дека „војната продолжува“, и дека украинските војници продолжуваат да дејствуваат во руската област Курск.
Свет
Деветмесечно бебе починало во автомобил, мајка и заборавила да ја однесе во градинка во Никозија

Деветмесечно бебе било пронајдено починато во автомобил пред градинка во Никозија.
Била повикана брза помош и бебето било пренесено во болница. Лекарите неуспешно се обиделе да го оживеат, пренесуваат медиумите во регионот.
Според написите, мајката го заборавила бебето во автомобилот. Жената го ставила бебето во автомобил и тргнала на работа, заборавајќи да го остави во градинката, која е веднаш до нејзиното работно место. Автомобилот останал на истото место до попладневните часови.
Кога завршила со работа, по работното време, отишла да го земе детето, но кога видела дека не е во дневен центар, сфатила што се случило.
Известена е полиција и се очекува мајката да биде уапсена.
Свет
Расте бројот на заболени од мали сипаници во САД

Епидемијата на мали сипаници (морбили) во Западен Тексас и Ново Мексико, во САД, сега достигна речиси 300 случаи, а од оваа болест починаа две невакцинирани лица.
Случаи на сипаници се пријавени во Алјаска, Калифорнија, Флорида, Џорџија, Канзас, Кентаки, Мериленд, Њу Џерси, Њујорк, Пенсилванија, Род Ајленд, Вермонт и Вашингтон.
Денеска, американскиот Центар за контрола и превенција на болести (ЦДЦ) објави дека бројот на потврдени случаи на сипаници во САД го надминал бројот од 2024 година.
Здравствените власти во Тексас објавија дека до вторник имало 36 нови случаи на сипаници, со што вкупниот број во Тексас се искачи на 259. Уште пет лица се хоспитализирани, односно вкупно 34.
Сипаниците се предизвикани од високо заразен вирус кој исто така се пренесува преку воздухот кога заразено лице дише, кива или кашла. Во САД, случаите и епидемиите на болеста обично започнуваат со некој што се заразил со болеста во странство, а болеста се шири особено во заедниците со ниски стапки на вакцинација.
Малите сипаници најпрво го инфицираат респираторниот тракт, а потоа се шири низ телото, предизвикувајќи висока температура, течење на носот, кашлица, црвенило, насолзени очи и осип. Повеќето деца закрепнуваат од сипаници, но инфекцијата може да доведе до опасни компликации како што се пневмонија, слепило, оток на мозокот и смрт.
Најдобар начин да се избегне добивање на мали сипаници е вакцината против сипаници, заушки и рубеола (ММР). Првата инјекција се препорачува за деца меѓу 12 и 15 месеци, а втората меѓу четири и шест години, пренесуваат светските агенции.