Свет
Кинескиот претседател ќе ја посети Италија откако Рим го поддржа „Патот на свилата“

Кинескиот претседател, Сји Џипинг, ќе ги посети Италија, Монако и Франција оваа недела, објави кинеското Министерство за надворешни работи во понеделникот откако Рим најави подготвеносат да се приклучи на кинеската глобална програма за трговска инфраструктура и покрај резервираноста во другите европски земји, пренесува „Локал“.
Државната на посета на Сји на овие земји ќе трае од четврток до 26 март.
Италијански официјален претставник минатата недела изјави дека Рим ќе потпише необврзувачки меморандум за разбирање со Пекинг за официјално да ја поддржи големата иницијатива „Белт енд роуд“, позната и како „Новиот пат на свилата“, вредна еден трилион долари.
Пекинг финансира инфраструктурни, поморски, железнички и патни проекти во Азија, Африка и во Европа, но критичарите предупредуваат дека тоа главно им оди во корист на кинеските фирми додека ги вовлекува во замка на долгови финансиски ранливте земји.
Во Италија Сји ќе разговара со претседателот Серџо Матарела и со премиерот Џузепе Конте, како и со парламентарните лидери.
По најавата на Италија, францускиот претседател, Емануел Макрон, минатата недела изјави дека земјите од Европската Унија треба да имаат координиран пристап во однос на Кина.
„Добро е што Кина учествува во развојот на многу земји, но верувам во духот на еднаквост, на реципроцитет. Духот на еднаквоста значи почитување на суверенитетот на нациите”, рече Макрон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.