Свет
Ковид-19 предизвикува ненадеен мозочен удар кај младите луѓе
Новиот коронавирус се чини дека предизвикува ненадејни мозочни удари кај младите луѓе на возраст од 30 до 40 години, а кои немаат поголеми здравствени проблеми, објавија американски медицински извори.
„Нашата анализа покажа седумкратно зголемување на случаите на ненадеен мозочен удар кај помлади пациенти во последните две недели. Повеќето од овие пациенти немале други здравствени проблеми и престојувале во нивните домови со благи симптоми на Ковид-19, а во два случаи тие биле без симптоми“, изјави за Си-ен-ен докторот Томас Оксли, неврохирург од болницата Монт Синај во Њујорк.
Една студија во Холандија открила и „исклучително висока“ стапка на формирање крвни згрутчувања кај пациенти коишто се на одделенијата за интензивна нега.
Експертите во овој момент не знаат зошто пациентите со коронавирус имаат предиспозиција за формирање згрутчувања во крвта. Сепак, тие имаат впечаток дека ризикот од формирање тромб кај пациенти со Ковид-19 е дури и поголем отколку кај другите пациенти во одделите за интензивна нега.
Една холандска студија направена над 184 пациенти со Ковид-19 во одделот за интензивна нега кои развија пневмонија покажа дека повеќе од 20 проценти имале проблеми со згрутчување на крвта. Во слична студија во кинески Вухан, формирањето тромб кај пациенти со Ковид-19 е забележано кај 25 проценти од пациентите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.