Свет
Ковид-19 убива 20 пати повеќе луѓе неделно отколку грипот
Ако постоеше сомневање дека новиот коронавирус не е само силен грип, новата научна студија го отфрли и тој мит. Авторите на студијата откриле дека имало речиси 20 пати повеќе смртни случаи неделно од Ковид-19 во САД отколку од грипот во најсмртоносната недела од просечната сезона на грип, пренесува livescience.com.
„Додека некои официјални лица ќе речат дека САРС-КоВ-2 е само уште еден грип, не е точно“, се вели во трудот на научниците од Медицинскиот факултет на „Харвард“ и Универзитетот „Емори“, објавен во престижното американско списание „JАМА интернешнл медицин“.
Бидејќи бил откриен новиот коронавирус на почетокот на јануари, луѓето го споредувале со грипот нагласувајќи дека грипот убива десетици илјади луѓе секоја година само во САД. И, навистина, Центрите за контрола и спречување болести( ЦДЦ) проценуваат дека од октомври 2019 година до април 2020 година 62.000 луѓе починале од грип во Соединетите Амњрикански Држави.
На прв поглед оваа бројка може да изгледа слична на последиците од Ковид-19, кој однесе 65.000 животи во САД до почетокот на мај, а повеќе од 90.000 луѓе починаа во меѓувреме. Но, тоа не одговара на она со што медицинските служби се соочуваат во секојдневната борба против пандемијата, особено во области како Њујорк, каде што има недостиг на респиратори и многу болници се преоптоварени, се вели во студијата.
Оваа споредба е погрешна затоа што процените на ЦДЦ за смртноста од грип сепак се само процени, а не сурови бројки. ЦДЦ не знае точно колку луѓе во САД се разболуваат или умираат од грип секоја година. Тој број се проценува врз основа на податоците за хоспитализација во 13 држави. Од друга страна, пријавените смртни случаи на Ковид-19 се всушност реалниот број луѓе што починале од болеста, а не процена. Со други зборови, споредбата на проценетата смртност од грипот со точниот број смртни случаи на Ковид-19 е всушност споредба на круши и јаболка, сметаат авторите на студијата.
Затоа, во една нова студија истражувачите го разгледале бројот на потврдени смртни случаи од грип неделно и ја споредувале со бројот на потврдени смртни случаи на Ковид-19. Врз основа на смртовниците, се покажа дека во најсмртоносната недела од сезоната на грип во последните години бројот на починати во САД варира од 351 во сезоната 2015/2016 до 1.626 во сезоната 2017/2018 година. Во просек неделно умирале 752 луѓе за време на шпицот на сезоната на грип од 2013 до 2020 година.
За споредба, во неделата што завршува на 21 април и која беше најсмртоносната во САД досега, од пандемијата на Ковид-19 починале 15.455 луѓе. Тоа значи дека бројот на смртни случаи на Ковид-19 во таа недела бил од 10 до 40 пати поголем отколку во текот на најсмртоносната недела во последните седум сезони на грип. Авторите забележаа дека неделниот врв на смртност од Ковид-19 е речсиси 20 пати поголем од неделниот врв на смртност од грип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.